Log Lete Hain Youn Hi Shama Aur Parwane Ka Naam

 

Poet Sagar Siddiuqi

 

Log Lete Hain Youn Hi Shama Aur Parwane Ka Naam,

Kuch Nahi Hai Is Jahan Mein Gham K Afsane Ka Naam,

Mit Gai Barbadi-E-Dil Ki Shikayat Dosto,

Ab Gulistan Rakh Liya Hai Main Ne Wirane Ka Naam,

Shokhi Qad-E-Nigharan Meri Saba Ka Wajood

Masti Chasham-E-Ghazalain Mere Paimane Ka Naam,

Is Ko Kehte Hain Gham-E-Taqdeer Ki Nelaam Gah,

Hai Zuban Tashnagi Mein Aur Mekhane Ka Naam,

Dekhiye SAGAR Ki Ashfatah Nighahi Ka Kamal,

Mastian Chalka Raha Hai Aik Deewane Ka Naam....................!