Mosam-E-Hijar Mein Ye Barish Ka Barasna Kaisa

 

 

Poet Rajnish Raj (Indian)

 

Mosam-E-Hijar Mein Ye Barish Ka Barasna Kaisa,

Ek Sehra Se Samandar Ka Guzarna Kaisa?

Aaye Mere Dil Na Pareshan Ho Tanha Ho Kar,

Wo Tere Sath Chala Kab Tha Bicharna Kaisa?

Log Kehte Hain Gulshan Ki Tabahi Dekho,

Main To Weeran Sa Jangal Tha Ujarna Kaisa?

Dekhne Mein To Koi Dard Nahi Dukh Bhi Nahi,

Phir Ye Aankhon Mein Ashkon Ka Ubharna Kaisa?

Bewafa Kehne Ki Jurrat Bhi Na Karna Us Ko,

Us Ne Chaha Mujhe Kab Tha Mukarna Kaisa.............!