Main ganwa chuka hon tumhain

 

(EK ASHIQ KI BAD'DUA) 

 

Main ganwa chuka hon tumhain

Main haar gia hon tumhari zid k agay

Main manta hon meri mohabbat mar gai

Magar ab main thak chuka hon

Koi rasta nahi bacha mere aagay

Ab meri zindagi ki sham hoi ja rahi hai

Es liye ek akhiri bat suNo,

Main chahta hon k,

Tum hasna bhol jao,

Nazuk tumhari dil pe hazaron gham ain

Tumhara singhar ujar jaye

Tumhari neendain haram ho jaye

Tumhari aankhain hari thaki ho jaye

Tumhain koi sahara na mile

Wahshat tumhain poori jhakar jaye

SakooN ko tum taras jao,

Kanton se tumhari zindagi khuda bhar de,

Koi khushbo tumhain apne qareeb na aane de,

Tum mout ki dua karo,

aur khuda wo dua qabool na kare,

Tumhain apna bachpaN hamaisha yad aye,

Qayamat talaq tm jalti raho,

Magar wo qayamat na aye kabhi,

Bas saf saf kaho main

Main kahNa chahta ho k

(TMHAIN MOHABBAT HO JAEY)