Poet Ibn-E-Insha
Sab Maya Hai Sub Dhalti Phirti Chaya Hai
Is Ishq Mein Hum Ne Jo Khoya Jo Paya Hai
Jo Tum Ne Kaha Hai Faiz Ne Jo Farmaya Hai
Sub Maya Hai
Han Gahay Gahay Deed Ki Dolat Hath Aaye
Ye Aik Wo Lazat Naam Hai Jis Ka Ruswai
Bas Us K Siwa To Jo Bhi Sawaab Kamaya Hai
Sub Maaya Hai
Aik Naam To Baqi Rehta Hai Gar Jaan Nahi
Jab Dekh Liya Is Sooday Mein Nuqsaan Nahi
Tab Shama Pe Deenay Jaan Patanga Aaya Hai
Sub Maaya Hai
Maloom Hamein Sub Qais Miyaan Ka Qissa Bhi
Sub AiK Se Hain Ye Raanjha Bhi Ye Insha Bhi
Farhad Bhi Jo Aik Nehar Se Khood K Laya Hai
Sub Maaya Hai
Kiyon Dard K Naamay Likhtay Likhtay Raat Karon
Jis Saat Samandar Paar Ki Naar Ki Bat Karon
Us Naar Se Koi Aik Ne Dhoka Khaya Hai?
Sub Maaya Hai
Jis Goori Pe Hum Aik Ghazal Her Sham Likhein
Tum Janty Ho Hum Kiyon Kr Us Ka Nam Likhen
Dil Us Ki Chookhat Choom K Wapas Aaya Hai
Sub Maaya Hai
Wo Larki Bhi Jo Chand Nagar Ki Rani Thi
Wo Jis Ki Alhaar Ankhon Mein Heerani Thi
Aa Us Ne Bhi Paigham Ye Hi Bhijwaya Hai
Sub Maaya Hai
Jo Loog Abhi Tak Naam Wafa Ka Leetay Hain
Wo Jaan K Dhokay Khatay Dhokay Deetay Hain
Haan Thook Baja K Hum Ne Hukam Lagaya Hai
Sub Maaya Hai
Jab Dekh Liya Her Shakhs Yahan Herjayi Hai
Is Shehr Se Door Aik Kutiya Hum Ne Banayi Hai
Aur Us Kutiya K Maathay Per Likhwaya Hai
Sub Maaya Hai
Sub Maaya Hai..............!
Comments
Post a Comment