HIJAR

اور کتنا نباہ ہم کرتے خود کو کتنا تباہ ہم کرتے Aur Kitna Nebah Hum Karte Khud Ko Kitna Tabah Hum Karte دوست بھی مل گئے تھے دشمن سے کس کو اپنا گواہ ہم کرتے پیار میں کوئی حد نہیں ہوتی پیار تو بے پناہ ہم کرتے ہم نے تم سے جفا تو کی نہ کبھی کس طرح یہ گناہ ہم کرتے تم ہی محفل میں جب نہیں تھے سحر اور کس پر نگاہ ہم کرتے افشاں سحر Afshan Sahar

ضبط کی خُو نہ تھی کمینے میں دل کہیں مر گیا ہے سینے میں Zabt Ki Kho Na Thi Kameeny Mein Dil Kahein Mar Gaya Hai Seenay Mein زندگی تجھ کو کچھ خبر بھی ہے کتنی دشواریاں ہیں جینے میں ہم نے کاٹے ہیں دن محبت کے زخم کھانے میں اشک پینے میں ڈوب جاتی ہے دل کی ہر خواہش کوئی دریا ہے اس سفینے میں منہ کے بل گر نہ جائے آپ کی یاد جیسے اٹکی ہے دل کے زینے میں جانے کیسی رفوگری ہے تری زخم کُھلتے ہیں اور سِینے میں کومل جوئیہ Komal Joya

جستجو کی ہے بہت ہاتھ نہ آیا کچھ بھی دل دیا، جان بھی دی پھر بھی نہ پایا کچھ بھی Justjo Ki Hai Buhat Haath Na Aaya Kuch Bhi Dil Diya , Jan Bhi Di Phir Bhi Na Paya Kuch Bhi میں نے دل کھول کے رکھا ہے تمہارے آگے تم نے لیکن مجھے اب تک نہ بتایا کچھ بھی  

ہمیں سلیقہ نہ آیا جہاں میں جینے کا کبھی کیا نہ کوئی کام بھی قرینے کا Humain Saleeqa Na Aaya Jahan Mein Jeenay Ka Kabhi Kia Na Koi Kam Bhi Qareenay Ka تمہارے ساتھ ہی اس کو بھی ڈوب جانا ہے یہ جانتا ہے مسافر ترے سفینے کا کچھ اس کا ساتھ نبھانا محال تھا، یوں بھی ہمارا اپنا تھا انداز ایک جینے کا فارغ بخاری Farigh Bukhary

بڑا وسیع ہے اس کے جمال کا منظر وہ آئینے میں تو بس مختصر سا رہتا ہے Bada Wasee Hai Uske Jamal Ka Manzar Woh Aainay Mein Tou Bas Mukhtasar Sa Rehta Hai فرحت احساس Farhat Ihsas

دل کے سنسان جزیروں کی خبر لائے گا درد پہلو سے جدا ہو کے کہاں جائے گا Dil Ke Sunsan Jazeeron Ki Khabar Layega Dard Pehlo Se Juda Ho Ke Kahan Jayega کون ہوتا ہے کسی کا شبِ تنہائی میں غمِ فرقت ہی غمِ عشق کو بہلائے گا چاند کے پہلو میں دَم سادھ کے روتی ہے کرن آج تاروں کا فسوں خاک نظر آئے گا راکھ میں آگ بھی ہے غمِ محرومی کی راکھ ہو کر بھی یہ شعلہ ہمیں سلگائے گا وقت خاموش ہے روٹھے ہوئے یاروں کی طرح کون لَو دیتے ہوئے زخموں کو سہلائے گا دھوپ کو دیکھ کے اس جسم پہ پڑتی ہے چمک چھاؤں دیکھیں گے تو اس زُلف کا دھیان آئے گا زندگی چل کہ ذرا موت کا دم خم دیکھیں ورنہ یہ جذبہ لحَد تک ہمیں لے جائے گا احمد راہیؔ Ahmad Rahi

ہیں لبریز آہوں سے ٹَھنڈی ہوائیں اُداسی میں ڈُوبی ہوئی ہیں گھٹائیں Hein Labraiz Aahon Se Thandi Hawaein Udasi Mein Doobi Hoi Hein Ghataein مُحبت کی دُنیا پہ شام آچکی ہے سِیاہ پوش ہیں زندگی کی فضائیں مَچلتی ہیں سِینے میں لاکھ آرزوئیں تڑپتی ہیں آنکھوں میں لاکھ اِلتجائیں تَغافُل کی آغوش میں سو رہے ہیں تمہارے سِتم اور میری وَفائیں مگر پھر بھی اے میرے مَعصُوم قاتِل تمہیں پیار کرتی ہیں میری دُعائیں فیض احمد فیضؔ Faiz Ahmad Faiz

دیار عشق میں محرومیوں کے ہیں چرچے دیار حسن میں مغرور سب نظارے ہیں Diar Ishq Mein Mahromion Ke Hein Charchay Diar Husan Mein Maghroor Sab Nazare Hein انہیں سمجھنے کی کوشش تو کیجیے افضل وہ دلفریب نگاہوں کے جو اشارے ہیں افضل الہ آبادی Afzal Ilahabadi

یہ کیسی بہاراں ہے، قیامت کی گھڑی ہے ہر سمت ہنسی ہے مگر آنکھوں میں نمی ہے Yeh Kaisi Baharan Hai , Qayamat Ki Gharhi Hai Har Simat Hansi Hai Magar Aankhon Mein Nami Hai آنکھوں میں جو رہتا ہے، وہ خوابوں کا سفر ہے جس سمت کو جاتا ہوں وہی تیری گلی ہے ظلمت میں شب ہجر کٹی ہے، نہ کٹے گی کل رات میں سو پایا، نہ وہ شمع جلی ہے اشکوں میں کہیں ڈوبتا دیوان ہے میرا یہ روح سخن درد کے دامن میں پلی ہے صد شکر کہ یہ شام کٹی ہجر کی یارو یوں نقش کی اب ایک بلا اور ٹلی ہے محمد سہیل نقش Muhammad Suhail Naqsh

اس دل کے چند اثاثوں میں اک موسم ہے برساتوں کا Is Dil Ke Chand Asason Mein Ik Mousam Hai Barsaton Mein اک صحرا ہجر کی راتوں کا اک جنگل وصل کے خوابوں کا اس چودھویں رات کے سائے میں جب آخری بار ملے تھے ہم یہ دل پاگل کب بھولتا ہے وہ باغ سفید گلابوں کا مرے خیمۂ دل کے پاس کہیں اک جگنو ٹھہر گیا اور پھر سیلاب تھا ساری بستی میں اندازوں کا، آوازوں کا ہم لوگ جنوں کے عالم میں منزل کی طلب بھی بھول گے اب دل کو بھلا سا لگتا ہے صحرا میں عکس سرابوں کا نوشی گیلانی Noshi Gailani

بوسہ لیا تھا جس کا تو نے لوٹتے ہوئے وہ پھول میرے صحن میں تازہ ہے آج بھی Bosa Lia Tha Jis Ka Tu Ne Laot'ty Hoe Woh Phool Mere Sehin Mein Taza Hai Aaj Bhi تاثیر جعفری Taseer Ja'afry

چراغِ دل بجھا ہے، راستے ہیں بے خبر کب سے درو دیوار رہتے ہیں تمہارے منتظر کب سے Chiragh e Dil Bujha Hai , Rastay Hein Bekhabar Kab Se Dar o Deewar Rehty Hein Tumhare Muntazir Kab Se کوئی آہٹ، کوئی سایہ، کوئی خوشبو نہیں آئی مگر آنکھیں ہماری ہیں درِ امید پر کب سے میں اپنے آپ سے چپ چاپ باتیں کر رہی ہوں اور مرے اندر ہی جاری ہے ادھوری بن سنور کب سے ترے وعدوں کی بارش میں بھگویا تھا جو اک موسم وہی موسم مری سوچوں میں ٹھہرا ہے جگر، کب سے یہ کمرہ، یہ کتابیں یہ سلگتی خواہشیں مہوش تری خوشبو کے جھونکے مانگتی ہیں رات بھر کب سے مہوش ملک Mihwish Malik

    ان کو عادت نہــــــیں توجہ کی لڑکھراؤ تو کــــــوئی بات بنے Un ko adat nahi tawajju ki Larkhharao to koi bat bane لوگ مشتاق ہیں قــــــیامت کے حشر ڈھاؤ تو کــــــوئی بات بنے Loag mushtaq hain qayamat ke Hashr dhao to koi bat bane سید عبدالحمید عدمؔ Syed Abdul Hameed Adam

ڈھونڈئیے کیـــوں استعارہ اور تشبیــہ و مثال حسن تو وہ ہے بتائیں جس کو حسن لاجواب Dhoondiye Kion Isteghara Aur Tashbeeh o Misal Husan Tou Woh Hai Bataein Jis Ko Husan Lajawab فراق گــورکھپوری Firaq Gorakhpuri

سلیقہ عشق میں میرا بڑے کمال کا تھا کہ اختیار بھی دل پر عجب مثال کا تھا Saleeqa Ishq Mein Mera Bady Kamal Ka Tha Keh Ikhtiar Bhi Dil Par Ajab Misal Ka Tha میں اپنے نقش بناتی تھی جس میں بچپن سے وہ آئینہ تو کسی اور خط و خال کا تھا رفو میں کرتی رہی پیراہن کو اور ادھر گماں اسے مرے زخموں کے اندمال کا تھا درخت جڑ سے اکھڑنے کے موسموں میں بھی ہوا کا پیار شجر سے عجب کمال کا تھا کتاب کس کی مسافت کی لکھ رہی ہے ہوا یہ قرض اس کی طرف کس کے ماہ و سال کا تھا شاہدہ حسن Shahida Hasan

آنکھوں میں ہی رہ جاتا ہے دیوانے کا خواب میخانے میں رہ جاتا ہے میخانے کا خواب Aankhon Mein Hi Reh Jata Hai Deewany Ka Khuwab Maikhany Mein Reh Jata Hai Maikhany Ka Khuwab جوش میں آ کر ہوش گنوائے، من کیسا سودائی کہتا تھا کہ پورا ہو گا مستانے کا خواب موت کی دستک آ پہنچی ہے، اب تو آن ملو شاید اب پورا ہوجائے سرہانے کا خواب برسوں بعد شمع کی لو پر تھرکی ہے نوخیزی شاید محفل میں پورا ہو پروانے کا خواب بند گلی میں دستک جیسے بند کواڑوں پر ہو بھیج دیا ہو خط میں جیسے انجانے کا خواب سامنے آ کر بیٹھیں وہ اور خلوت میں لَجّائیں نقش بھی دیکھیں کیا ہوتا ہے شرمانے کا خواب سہیل نقش Sohail Naqsh

اُسے کہنا قسم لے لو Usay Kehna Qasam Ly Lo تُمہارے بعد جو ہم نے کسی کا خواب دیکھا ہو کسی کو ہم نے چاہا ہو کسی کو ہم نے سوچا ہو کسی کی آرزو کی ہو کسی کی جستجو کی ہو کسی کی راہ دیکھی ہو اسے کہنا قسم لے لو کسی کا قرب مانگا ہو کسی کو ساتھ رکھا ہو کسی سے آس رکھی ہو کوئی امید باندھی ہو کوئی دل میں اتارا ہو کوئی تُم سے پیارا ہو اُسے کہنا قسم لے لو کوئی دل میں بسایا ہو کوئی اپنا بنایا ہو کوئی روٹھا ہو تو ہم نے اُسے رو رو منایا ہو کسی کی یاد کا موسم میرے آنگن میں آیا ہو اُسے کہنا قسم لے لو کسی سے بات کرنے کو کبھی یہ ہونٹ ترسے ہوں کسی کی بیوفائی پر کبھی یہ نین برسے ہوں کبھی راتوں کو اٹھ اٹھ کر تیرے دکھ میں نہ روۓ ہوں تُمہارے بعد اک پل بھی اگر جو چین سے سوۓ ہوں اُسے کہنا قسم لے لو کبھی جگنو، کبھی تارا کبھی ماہتاب دیکھا ہو اُسے کہنا قسم لے لو تُمہارے بعد ہم نے جو کسی کا خواب دیکھا ہو اُسے کہنا قسم لے لو

تمہارے حُسن کے جلوے سمیٹنے کے لیے گدائے عشق سرِ راہ دل بچھائے گا Tumhare Husn Ke Jalway Samaitny Ke Liye Gada e Ishq Sar e Rah Dil Bichaye Ga تیرے فراق کا مارا ہوا مسیح میرے مجھے وصال سے اپنے تو کب جِلائے گا عاصم مجید Asim Majeed

خود سے جدا ہوئے، نہ تیری ذات میں رہے ہم یونہی شامِ غم کی حوالات میں رہے Khud Se Juda Hoe , Na Teri Zaat Mein Rahe Hum Yunhi Sham e Gham Ki Hawalat Mein Rahe اک شہرِ خواب ہم نے بسایا تھا اور پھر اس میں رہے، نہ اس کے مضافات میں رہے کس عرصۂ فریب کی وحشت میں تھے کہ ہم دن میں ہی رہ سکے، نہ کہیں رات میں رہے میں جس کے روز و شب میں زمانوں سے قید ہوں مر جائے وہ اگر میرے حالات میں رہے کیوں چھینتا ہے مجھ سے میرا سایۂ وجود سورج سے کوئی کہہ دو کہ اوقات میں رہے ہر بار کوئی بات ادھوری رہا کرے ہر بار تشنگی سی ملاقات میں رہے اظہر نقوی Azhar Naqvi

آغازِ محبت تو بڑا قلبِ نشیں ہے انجامِ محبت کی خبر مجھ کو نہیں ہے Aaghaz e Muhabbat Toh Bada Qalb e Nasheen Hai Anjam e Muhabbat Ki Khabar Mujh Ko Nahi Hai یہ فیضِ محبت ہے محبت کے تصدّق میں اور کہیں ہوں، میرا دل اور کہیں ہے

دعائے مرگ ہے اور خواب زندگی کے ہیں یہ دونوں رنگ فقط ایک بے بسی کے ہیں Dua e Marg Hai Aur Khuwab Zindagi Ke Hein Yeh Dono Rang Faqat Aik Hai Basi Ke Hein اگر وہ شوخیاں کرنے لگے تو کیا ہو گا ہم ایسے لوگ تو گھائل ہی سادگی کے ہیں نہ زخم سہنے کی ہم میں سکت، نہ دینے کی نہ دوستی کے ہیں قابل، نہ دشمنی کے ہیں عجیب ٹیس ہے جاذب گھڑی کی ٹک ٹک میں بتا رہی ہے کہ مہمان دو گھڑی کے ہیں اکرم جاذب گوندل Akram Jazib Gondal

  اس ہوا نے دیا نہیں دیکھا عشق نے مرتبہ نہیں دیکھا Is Hawa Ne Diya Nahi Daikha Ishq Ne Martaba Nahi Daikha آپ کو چاند اچھا لگتا ہے آپ نے خود کو کیا نہیں دیکھا خونِ ارمان درحقیقت ہے تم نے رنگِ حنا نہیں دیکھا خاک سمجھے مجھے قمرؔ جس نے سوچ کا ارتقا نہیں دیکھا قمر آسی Qamar Aasi

صُبح کی آج جو رنگت ہے، وُہ پہلے تو نہ تھی کیا خبر آج خراماں سرِ‌ گُلزار ہے کون Subah Ki Aaj Jo Rangat Hai , Woh Pehle Toh Na Thi Kia Khabar Aaj Khiraman Sar e Gulzar Hai Kon شام گلنار ہوئی جاتی ہے دیکھو تو سہی یہ جو نِکلا ہے لیے مشعلِ رُخسار ہے کون رات مہکی ہوئی آئی ہے کہِیں سے پُوچھو آج بکھرائے ہوئے زلفِ طرح دار ہے کون پِھر درِ دِل پہ کوئی دینے لگا ہے دستک جانیے پھر دلِ وحشی کا طلبگار ہے کون فیض احمد فیضؔ Faiz Ahmad Faiz

یہ کیسی آگ ہمارے بدن میں رکھ دی گئی کہ جلتے رہنا بھی اور راکھ بھی نہیں ہونا Yeh Kaisi Aag Humare Badan Mein Rakh Di Gai Keh Chalty Rehna Bhi Aur Rakh Bhi Nahi Hona صدیق اکبر مالیگانوی Siddiq Akbar Maleganvi

ہم کو محسوس کیا جائے خوشبو کی طرح ہم کوئی شور نہیں ہیں جو سنائی دیں گے Hum ko mehsoos kiya jaae khushbu ki tarah Hum koi shor nahi hain jo sunaiy den ge

اس بیوفا کو دل سے نکالا نہیں گیا ہم سے تو ایک عشق سنبھال نہیں گیا Us Bewafa Ko Dil Se Nikala Nahi Gaya Hum Se Toh Aik Ishq Sanbhala Nahi Gaya سیدہ صائمہ کامران Syeda Saima Kamran

نہ مشورہ، نہ کیا استخارہ شادی کی رضائے باپ تھی سو دل کو مارا، شادی کی Na Mashwara , Na Kia Istekhara Shadi Ki Raza e Baap Thi So Dil Ko Mara , Shadi Ki کسی کے جسم کو ہجرت کے زخم ہدیہ کیے کسی کی جان کا صدقہ اتارا شادی کی پہن لی بِچھیاں اک اجنبی کے ناموں کی سکون پاؤں کی انگلی پہ وارا شادی کی ہماری زیست کی پہلی بہار، ماں کی گود ہماری زیست کا پہلا خسارہ، شادی کی اکیلے پن کو مَرض ہی سمجھ لیا سب نے کہ جب بھی جو بھی ہوا بے سہارا، شادی کی یہاں تو تجربہ پہلا ہی زویا مار گیا نجانے کیسے کسی نے دوبارہ شادی کی زویا شیخ Zoya Sheikh

سکون بھی ہے مگر اضطراب کتنا ہے کسی کو چاہتے رہنا عذاب کتنا ہے Sukoon Bhi Hai Magar Izterab Kitna Hai Kisi Ko Chahty Rehna Azaab Kitna Hai اب عشق کر ہی لیا ہے تو پوچھتےنہ پھرو گناہ کتنا ہے اِس میں ثواب کتنا ہے مجھے تو اپنے سوالات ہی نہ یاد رہے یہ دیکھ کر کہ وہ حاضر جواب کتنا ہے جو سب کے سامنے ملتا ہے اجنبی کی طرح کسے پتہ وہ ہمیں دستیاب کتنا ہے

اُس سمت چلے ہو تو بس اتنا اُسے کہنا اب کوئی نہیں حرفِ تمنا اُسے کہنا Us Simat Chale Ho Toh Bas Itna Usay Kehna Ab Koi Nahi Harf e Tamanna Usay Kehna اُس نے ہی کہا تھا تو یقیں میں نے کیا تھا اُمید پہ قائم ہے یہ دُنیا اُسے کہنا دُنیا تو کسی حال میں جینے نہیں دیتی چاہت نہیں ہوتی کبھی رسوا، اُسے کہنا زرخیز زمینیں کبھی بنجر نہیں ہوتیں دریا ہی بدل لیتے ہیں رستہ، اُسے کہنا وہ میری رسائی میں نہیں ہے تو عجب کیا حسرت بھی تو ہے عشق کا لہجہ، اُسے کہنا

اسرار عشق ہے دل مضطر لیے ہوئے قطرہ ہے بیقرار سمندر لیے ہوئے Israr e Ishq Hai Dil Maztar Liye Hoe Qatra Hai Beqarar Samandar Liye Hoe آشوب دہر و فتنۂ محشر لیے ہوئے پہلو میں یعنی ہو دل مضطر لیے ہوئے موج نسیم صبح کے قربان جائیے آئی ہے بوئے زلف معنبر لیے ہوئے کیا مستیاں چمن میں ہیں جوش بہار سے ہر شاخ گل ہے ہاتھ میں ساغر لیے ہوئے قاتل نگاہ یاس کی زد سے نہ بچ سکا خنجر تھے ہم بھی اک تہ خنجر لیے ہوئے خیرہ کیے ہے چشم حقیقت شناس بھی ہر ذرہ ایک مہر منور لیے ہوئے پہلی نظر بھی آپ کی اف کس بلا کی تھی ہم آج تک وہ چوٹ ہیں دل پر لیے ہوئے تصویر ہے کھنچی ہوئی ناز و نیاز کی میں سر جھکائے اور وہ خنجر لیے ہوئے صہبائے تند و تیز کو ساقی سنبھالنا اچھلے کہیں نہ شیشہ و ساغر لیے ہوئے میں کیا کہوں کہاں ہے محبت کہاں نہیں رگ رگ میں دوڑی پھرتی ہے نشتر لیے ہوئے اصغرؔ حریم عشق میں ہستی ہی جرم ہے رکھنا کبھی نہ پاؤں یہاں سر لیے ہوئے اصغرؔ گونڈوی Asghar Gondvi

یہ حُسنِ خود فروش عجب جنس ہے حسنؔ وہ بک گئے جو اُس کے خــــــــریدار ہو گئے Ye Husn e Khud Firosh Ajab Jins Hai Hasan Woh Bik Gaye Jo Uske Khareedar Ho Gaye حسنؔ بریلـــــوی Hasan Brelvi

ستم کا سلسلہ آگے بھی کچھ بڑھا کہ نہیں ہمارے جیسا کوئی اب تلک ملا کہ نہیں Sitam Ka Silsila Aagay Bhi Kuch Barha Keh Nahi Humare Jaisa Koi Ab Talak Mila Keh Nahi بس ایک بار ہی مل کر مجھے تو اچھا لگا سو اپنا اپنا سا میں بھی تجھے لگا کہ نہیں میں اس کے بارے میں پوچھوں گا شاعروں سے کبھی وہ اب بھی شعر سناتی ہے شاعرہ کہ نہیں کہا نہیں تھا کہ یہ عشق چھپ نہیں سکتا تمام شہر کو دیکھو پتہ چلا کہ نہیں مَیں تیرے واسطے خاموش ہو گیا لیکن مجھے تو چھوڑ کے اب مطمئن ہوا کہ نہیں کبھی ملا تو یہ اس سے ضرور پوچھیں گے ہمارے بعد بھی وہ پارسا رہا کہ نہیں صغیر آ کے پرندے یہ روز پوچھتے ہیں چمن میں اور کوئی گل نیا کھلا کہ نہیں صغیر احمد صغیر Sagheer Ahmad Sagheer

مسلسل یاد آتے ہو یہ کیسی دل آزاری ہے Musalsal Yaad Aatay Ho Yeh Kaisi Dil Azari Hai ابھی ٹھہرو چلے جانا ابھی کچھ بیقراری ہے تمہارے ہجر کی نسبت تمہاری یاد بھاری ہے دلشاد نسیم Dilshad Nasim

شہر میں سختی ہے ترسیل و مئے نوشی پر اور تو آنکھیں سرِ عام لیے پھرتا ہے Shehar Mein Sakhty Hai Tarseel o Mai-Noshi Par Aur Tu Aankhein Sar e Aam Liye Phirta Hai غمزہ عروش Ghamza Urosh

مری آنکھوں کو آنکھوں کا کنارہ کون دے گا سمندر کو سمندر میں سہارا کون دے گا Meri Aankhon Ko Aankhon Ka Kinarah Kon Dayga Samandar Ko Samandar Mein Sahara Kon Dayga مرے چہرے کو چہرہ کب عنایت کر رہے ہو تمہیں میرے سوا چہرہ تمہارا کون دے گا مرے دریا نے اپنے ہی کنارے کاٹ ڈالے بپھرتے پانیوں کو اب سہارا کون دے گا بدن میں ایک صحرا جل رہا ہے، بجھ رہا ہے مرے دریاؤں کو پہلا اشارہ کون دے گا محبت نیلا موسم بن کے آ جائے گی اک دن گلابی تتلیوں کو پھر سہارا کون دے گا افتخار قیصر Iftekhar Qaisar

پیڑ کو دعا دے کر کٹ گئی بہاروں سے پھول اتنے بڑھ آئے، کھڑکیاں نہیں کھلتیں Paid Ko Dua Dy Kar Kat Gai Baharon Se Phool Itny Barh Aaye , Khidkian Nahi Khulty پھول بن کے سیروں میں اور کون شامل تھا شــوخئ صبا سے تو بالیاں نہیں کھلتیں حسن کے سمجھنے کو عمر چاہیے جاناں دو گھڑی کی چاہت میں لڑکیاں نہیں کھلتیں کوئی موجۂ شیریں چوم کر جگائے گی سورجوں کے نیزوں سے سیپیاں نہیں کھلتیں ماں سے کیا کہیں گی دکھ ہجر کا کہ خود پر بھی اتنی چھوٹی عمروں کی بچیاں نہیں کھلتیں شاخ شاخ سرگرداں کس کی جستجو میں ہیں کون سے سفر میں ہیں، تتلیاں نہیں کھلتیں آدھی رات کی چپ میں کس کی چاپ ابھرتی ہے چھت پہ کون آتا ہے سیڑھیاں نہیں کھلتیں پانیوں کے چڑھنے تک حال کہہ سکیں اور پھر کیا قیامتیں گزریں بستیاں نہیں کھلتیں پروین شاکر Parveen Shakir

کاش دنیا میں محَبت کے سِوا کچھ بھی نہ ہو یاد ہے آنکھ میں کیا خواب ہوا کرتے تھے Kaash Dunya Mein Muhabbat Ke Sewa Kuch Bhi Na Ho Yaad Hai Aankh Mein Kia Khuwab Hoa Karte Thay وہ تو ساحِل کی طرح آپ مِلے تھے ورنہ میری قسمت میں تو گرداب ہوا کرتے تھے مبارک صدیقی Mubarak Siddiqui

شکوہ ہے اک جہاں سے ان کو مرے جنوں کا دیوانگی بھی جیسے کوئی میری خطا ہے Shikwa Hai Ik Jahan Se Unko Mere Junoon Ka Deewangi Bhi Jaise Koi Meri Khata Hai کہتے ہیں وہ، عدم کو کیوں ہم سے ہے محبت کتنی حسیں شکایت کتنا حسیں گلہ ہے سید عبد الحمید عدمؔ Sayed Abdul Hameed Adam

رہتی ہے اس کی یاد مرے آس پاس ہی میلہ لگا ہوا ہے کہ تنہا نہیں ہوں میں Rehti Hai Uski Yaad Mere Aas Paas Hi Maila Lag Hoa Hai Keh Tanha Nahi Hon Main

مجھ کو فقط سخن کا ہی تحفہ نہیں دیا سب کچھ دیا ہے رب نے، مجھے کیا نہیں دیا Mujh Ko Faqat Sukhan Ka Hi Tuhfa Nahi Diya Sab Kuch Diya Hai Rab Ne , Mujhe Kia Nahi Diya مجھ پر کسی نے سورۂ یاسین پھونک دی امید کا اسی لیے بجھتا نہیں دیا جلتے ہیں میرے در پہ محبت کے سو چراغ چوکھٹ پہ آج تک کوئی رکھا نہیں دیا خیرات کر چکی ہوں تبسم ہزار بار کیسے کہوں کہ حسن کا صدقہ نہیں دیا جہاں آراء تبسم Jahan Aara Tabassum

کیا ضروری کہ گروں میں تو سنبھالے کوئی اور میرے پاؤں کا کانٹا بھی نکالے کوئی Kia Zaroory Keh Giron Main Toh Sanbhaly Koi Aur Mere Pavun Ka Kanta Bhi Nikaly Koi خوشبوؤں کی طرح چاہیں گے زمانے والے پہلے کردار کو پھولوں سا بنا لے کوئی آج کے دور میں شہرت کی تمنا ہو اگر اپنے چہرے پہ کئی چہرے لگا لے کوئی

آنکھیں شِکستہ حال تھیں پر حوصلہ تو تھا مُڑ مُڑ کے ایک شخص مجھے دیکھتا تو تھا Aankhein Shikasta Hal Thein Par Housla Toh Tha Mud Mud Ke Aik Shakhs Mujhe Daikhta Toh Tha ہر بار اک ہوا تو نہ تھی مجھ کو چھیڑتی کھڑکی سے چُپکے چُپکے کوئی جھانکتا تو تھا وہ چھوڑ کر گیا تھا مگر دوستی تو تھی کم کم سہی پر اس سے مرا رابطہ تو تھا اب اُس کے حُسنِ ناز کی کیوں مِدحتیں کروں بیشک حسین شخص تھا پر بیوفا تو تھا گُزرے دِنوں کی یاد تھی، آ کر چلی گئی لوگو پر اس کی یاد میں آنسو بہا تو تھا عاقب انا کی بات تھی ورنہ وہ شخص بھی ہم کو کسی زمانے میں ہی چاہتا تو تھا عاقب شہزاد Aaqib Shehzad

اب کہاں اور کسی چیز کی جا رکھی ہے دل میں اک تیری تمنا جو بسا رکھی ہے Ab Kahan Aur Kisi Cheez Ki Ja Rakhi Hai Dil Mein Ik Teri Tamanna Jo Basa Rakhi Hai سر بکف میں بھی ہوں، شمشیر بکف ہے تو بھی تو نے کس دن پہ یہ تقریب اٹھا رکھی ہے دل سلگتا ہے ترے سرد رویے سے مرا دیکھ اس برف نے کیا آگ لگا رکھی ہے آئینہ دیکھ ذرا کیا میں غلط کہتا ہوں تو نے خود سے بھی کوئی بات چھپا رکھی ہے جیسے تو حکم کرے، دل مرا ویسے دھڑکے یہ گھڑی تیرے اشاروں سے ملا رکھی ہے گوہر اشک سے خالی نہیں آنکھیں انورؔ یہی پونجی تو زمانے سے بچا رکھی ہے انورؔ مسعود Anwar Masood

تُو کبھی رَاگ ، کبھی رَنگ ،  کبھی خُوشبُو ھے۔ کیسی کیسی نہ تُجھے ، عِشوہ گَری آوے ھے ۔ Tu kabhi raag kabhi rang kabhi khushbo hai Kaisi kaisi na tujhay ishwa giri aaway hai صاحِبو ٫ حُسن کی پہچان ٫ کوئی کھیل نہیں دِل لُہو ھو تو کہیں ، دِیدہ وَری آوے ھے۔ Sahibo! Husan ki pehchan koi khail nahi Dil laho ho to kahin deedah wari aaway hai جانِثار اَختر Janisar Akhtar

Jo dard lafzon mein bayaa’n ho jaaye woh dard kaisa Jo aansoon aakhon se beh jaaye woh samander kaisa Yahan to roz ghut ghut ker marti hasratein seene mein Jo bahir se haansta dikhe iss ke andher ka manzar kaisa

محبّت کا دھواں آنکھوں میں پانی چھوڑ جاتا ہے کسی رستے سے غم گزرے، نشانی چھوڑ جاتا ہے Muhabbat Ka Dhowan Aankhon Mein Pani Chod Jata Hai Kisi Rastay Se Gham Guzre , Nishani Chod Jata Hai وہ جتنی بار بھی ملتا ہے پہچانا نہیں کرتا مگر آنکھوں میں تصویریں پرانی چھوڑ جاتا ہے اِسی باعث تو ہم بے ساختہ ہنسنے سے ڈرتے ہیں کبھی کا قہقہہ بھی نوحہ خوانی چھوڑ جاتا ہے ہماری گفتگوؤں سے بھی وہ قائل نہیں ہوتا اور اپنی خامشی کے بھی معنی چھوڑ جاتا ہے بھروسہ جس پہ ہو، اس سے توقع کوئی مت رکھنا یہی اِک سائباں بے سائبانی چھوڑ جاتا ہے بچھڑ کر بھی ہم ایسے شخص سے بچھڑا نہیں کرتے جو اِک فقرہ ادا کر کے کہانی چھوڑ جاتا ہے مُظفّرؔ موت بھی کم خوبصورت تو نہیں ہو گی جو اس کو دیکھتا ہے، زندگانی چھوڑ جاتا ہے مُظفّرؔ وَارثی Muzafar Warsi

غمزہ نہیں ہوتا کہ اشارہ نہیں ہوتا آنکھ ان سے جو ملتی ہے تو کیا کیا نہیں ہوتا Ghamza Nahi Hota Keh Ishara Nahi Hota Aankh Unse Jo Milti Toh Kia Kia Nahi Hota جلوہ نہ ہو معنی کا تو صورت کا اثر کیا بلبل گل تصویر کا شیدا نہیں ہوتا اللہ بچائے مرض عشق سے دل کو سنتے ہیں کہ یہ عارضہ اچھا نہیں ہوتا تشبیہ ترے چہرے کو کیا دوں گل تر سے ہوتا ہے شگفتہ مگر اتنا نہیں ہوتا میں نزع میں ہوں، آئیں تو احسان ہے ان کا لیکن یہ سمجھ لیں کہ تماشہ نہیں ہوتا ہم آہ بھی کرتے ہیں تو ہو جاتے ہیں بدنام وہ قتل بھی کرتے ہیں تو چرچا نہیں ہوتا اکبر الہ آبادی Akbar Ilahabadi

اٹھی نگاہ شوق تو پتھرا کے رہ گئی اس جلوۂ حسیں کا نظارہ نہ کر سکے Uthi Nigah Shouq Toh Pathra Ke Reh Gai Us Jalwah e Haseen Ka Nazara Na Kar Saky ساقی تری نگاہ کا انداز دیکھ کر مے کش بقدر ظرف تقاضہ نہ کر سکے مشیر جھنجھانوی Musheer Jhanjhalvi

زہر جدائی چکھ لیتے ہیں دل پہ پتھر رکھ لیتے ہیں Zehr e judaiy chakhh lete hain Dil pe patthar rakh lete hain

وہ جدا ہو کے بھی جدا نہ ہوا یہ جُدائی بھی کیا جُدائی ہے Wo juda ho ke bhi juda na hua Ye judaiy bhi kia judaiy hai نسیم الرحمن روشن Naseem ur Rahman Raushan