Gaon K Be Charagh Raste Mein Maili Chadar Bicha K Matti Par

 

Poet Mohsin Naqvi 

 

Gaon K Be Charagh Raste Mein,

Maili Chadar Bicha K Matti Par,

Jo Andhe Udas Dil Wali,

Aik Pagli Dekhai Deti Hai,

Jis Ki Belafz Guftago Aksar,

Baam-O-Dar Ko Sunai Deti Hai,

Jis Ki Aankhon Mein Rat Dhalti Hai,

Jis Ki Shah Rag K Bhujte Mosam Mein,

Zindagi Ki Tabash Pigalti Hai,

Jam Gaye Jis K Khawab Chehre Par,

Kanpte Hath Jin K Saye Se,

Aakhir Shab Dua Larazti Hai,

Jis Ki Ukhri Ukhrti Saanso Se,

Roz-O-Shab K Bhanwar Garezan Hain,

Ye Jo Bisri Hoi Kahani Hai,

Bhook Jis K Liye Ghiza Jaisi,

Jis K Nazdeek Piyas Pani Hai,

Us Ko Ibrat Se Dekhne Walo,

Us K Bare Mein Apne Gaon K,

Dastaan Go Bazurg Kehte Hain,

Ye Akeli Udas Banjaran,!

Ab Se Aadhi Sadi K Us Janib,

Roop Mein Dhoop Bhi Ujli Thi,

Phool Khilte Thay Is K Aangan Mein,

Khushbo'on Se Kharaj Leti Thi,

Ab Se Aadhi Sadi K Us Janib,

Ye Akeli Udas Panjaran,!

Apne Gaon K Apisraon Mein,

Khoob Sorat Tareen Larki Thi............!

 

Page 77 To 78 (R)