Qissay Meri Ulfat Ke Jo Marqoom Hain Saare" Aa Dekh Tere Naam Se Mosoom Hain Saare"

Poet:Mohsin Naqvi

Qissay Meri Ulfat Ke Jo Marqoom Hain Saare"

Aa Dekh Tere Naam Se Mosoom Hain Saare"

Bus Iss Liye Har Kaam Adhoora Hi Parra Hai"

Khaadim Bhi Meri Qaum Ke Makhdoom Hain Saare"

Ab Kon Mere Paaon Ki Zanjeer Ko Kholay"

Haakim Meri Basti Ke Bhi Mehkoom Hain Saare"

Shayad Yeh Zarf Hai Jo Khamosh Hun Ab Tak ''

Varna Toh Tere Aib Bhi Maloom Hain Saare"

Sub Jurm Meri Zaat Se Mansoob Huye "Mohsin"

Kya Mere Sivaa Shehr Mein Masoom Hain Saare"