Latest Post
Loading...

masoom si muhabbat ka bas itna sa fasana hai kagaz ki haweli hai barish ka zamana hai


masoom si muhabbat ka bas itna sa fasana hai

kagaz ki haweli hai barish ka zamana hai

kya shart-e-muhabbat hai kya shart-e-zamana hai

awaz bhi zakhmi hai aur geet bhi gana hai

us paar utarne ki umeed bahot kam hai

kashti bhi puraani hai tufaan bhi aana hai

samajhe wo ya na samajhe is andaaz-e-muhabbat ko

ek shakhs ko aankhon se ek shair sunana hai

bholi si aada koi phir ishq ki zid par hai

phir aag ka dariya hai phir doob ke jana hai


0 comments:

Post a Comment

 
Toggle Footer