Taj tere liye ek mazar-e-ulfat hi sahi Tujhko is waadi-e-rangeen se aqidat hi sahi

Taj tere liye ek mazar-e-ulfat hi sahi

Tujhko is waadi-e-rangeen se aqidat hi sahi

Meri mehboob kahein aur mila kar mujhko

Bazm-e-shaahi me gareebon ka guzar kya maani

Naqsh jis raah pe hon satwat-e-shaahi ke nishaan

Us pe ulfat bhari roohon ka safar kya maani

Ye chamanzar, ye Jamna ka Kinara, ye mahal

Ye munaqqash dar-o-deewar, Ye mehrab, ye taq,

Ek Shahenshah ne daulat Ka sahara le kar,

Hum gharibon ki muhabbat, Ka Urraya hai mazaq

Mere Mehboob Kahin aur Mila Kar Mujhse