Latest Post
Loading...

Sitam ko maslehat,, husn-e-taghaful ko adaa kehna... Use ab aor kya likhna,, use ab aor kya kehna


Sitam ko maslehat,, husn-e-taghaful ko adaa kehna...
Use ab aor kya likhna,, use ab aor kya kehna...??

Ye rasm-e-sheher-e-na-pursaa'n,, hmare dam se qaaim hai...
K har ek ajnabii ko muskurakar aashna kehna...

Safar me yun azaab-e-tishnagii aankho'n me bhar lena...
Chamaktii rett ko dariya,, bagoley ko ghata kehna...

Hazaaro'n haadse tujhpr,, Qayaamat ban k toote hain...
Tu us pr bhi salaamat hai,, dil-e-khush-fehm kya kehna...!

Dil-e-be-mudda'a ko be-talab jeene ki aadat hai...
Mujhe achha nhii lagta,, dua ko iltejaa kehna...

Mere MOHSIN ye aadaab-e-musaafat seekhne honge...
Bhatakte jugnuo'n ko bhi,, safar ka aasra kehna...!!


0 comments:

Post a Comment

 
Toggle Footer