Latest Post
Loading...

Kabhi Sahra Tera Lehja,Kabhi Barish Teri Batein


کبھی صحر ا تر ا لہجہ ، کبھی بارش تری باتیں
کبھی ٹھنڈا ترا لہجہ ، کبھی آتش تری باتیں
یہی شیرینی و تلخی طبیعت سیر کرتی ہے
کبھی کڑوا ترا لہجہ ، کبھی کشمش تری باتیں
نہیں کوئی طبیبِ دل ستم مائل ترے جیسا
کبھی پھایا ترا لہجہ ، کبھی سوزش تری باتیں
اندھیرا ہے اگر ڈوبے اگر ابھرے تو سورج ہے
کبھی کورا ترا لہجہ ، کبھی دانش تری باتیں
بھڑکتی بجھتی ہے پل پل چراغِ زندگی کی لَو
کبھی رسیا ترا لہجہ ، کبھی رنجش تری باتیں
متاعِ زیست ہے نینا یہی غربت یہی دولت
کبھی کاسہ ترا لہجہ ، کبھی بخشش تری باتیں

0 comments:

Post a Comment

 
Toggle Footer