ﺩﯾﮑﮫ ﻣﺤﺒﺖ ﮐﺎ ﯾﮧ ﻋﺎﻟﻢ
ﺳﺎﺯ ﺑﮭﯽ ﮐﻢ ﮐﻢ، ﺳﻮﺯ ﺑﮭﯽ ﮐﻢ ﮐﻢ
ﯾﮧ ﺷﯿﺮﺍﺯۂ ﺩﻝ ﮐﺎ ﮨﮯ ﻋﺎﻟﻢ
ﯾﮑﺠﺎ ﯾﮑﺠﺎ، ﺑﺮﮨﻢ ﺑﺮﮨﻢ
ﺣﺴﻦ ﮔﻠﺴﺘﺎﮞ ﺷﻌﻠﮧ ﻭ ﺷﺒﻨﻢ
ﺳﻮﺯﺍﮞ ﺳﻮﺯﺍﮞ، ﭘﺮﻧﻢ ﭘﺮﻧﻢ
ﺳﺎﮐﺖ ﺳﺎﮐﺖ ﺷﻮﺭﺵ ﻋﺎﻟﻢ
ﺩﻝ ﮐﯽ ﺻﺪﺍ ﺑﮭﯽ ﻣﺪﮬﻢ ﻣﺪﮬﻢ
ﻋﺎﻟﻢ ﻋﺎﻟﻢ ﻋﺸﻖ ﺑﮭﯽ ﺗﻨﮩﺎ
ﺗﻨﮩﺎ ﺣﺴﻦ ﺑﮭﯽ ﻋﺎﻟﻢ ﻋﺎﻟﻢ
ﯾﮧ ﮐﯿﺎ ﮐﻢ ﮨﮯ ﻋﺸﻖ ﮐﺎ ﺣﺎﺻﻞ
ﮐﭽﮫ ﻣﺠﮫ ﮐﻮ ﻏﻢ، ﮐﭽﮫ ﺗﺠﮫ ﮐﻮ ﻏﻢ
ﺭﻧﮓ ﮨﮯ ﮐﺲ ﮐﺎ، ﺭﻭﭖ ﮨﮯ ﮐﺲ ﮐﺎ
ﻧﮑﮭﺮﺍ ﻧﮑﮭﺮﺍ، ﻣﺒﮩﻢ ﻣﺒﮩﻢ
ﺩﻝ ﮐﯽ ﺟﺮﺍﺣﺖ، ﺗﯿﺮﯼ ﻣﺤﺒﺖ
ﺍﯾﺴﺎ ﺯﺧﻢ ﻧﮧ ﺍﯾﺴﺎ ﻣﺮﮨﻢ
ﺁﺗﯽ ﺑﮩﺎﺭﯾﮟ ﺟﺎﺗﯽ ﺑﮩﺎﺭﯾﮟ
ﺩﻭﻧﻮﮞ ﮐﺎ ﺣﺎﺻﻞ ﺩﯾﺪۂ ﭘﺮﻧﻢ
ﻋﺸﻖ ﻣﯿﮟ ﺳﭻ ﮨﯽ ﮐﺎ ﺭﻭﻧﺎ ﮨﮯ
ﺟﮭﻮﭨﮯ ﻧﮩﯿﮟ ﺗﻢ، ﺟﮭﻮﭨﮯ ﻧﮩﯿﮟ ﮨﻢ
ﮨﻢ ﻧﮯ ﺑﮭﯽ ﺁﺝ ﻓﺮﺍﻕ ﮐﻮ ﺩﯾﮑﮭﺎ
ﺳﻮﺯ ﻣﮑﻤﻞ، ﺩﺭﺩ ﻣﺠﺴﻢ
فراق گورکھپوری
ـــــــــــــــــــــــــــــ
ﺭﺍﺕ ﮐﯽ ﺯﻟﻔﯿﮟ برﮨﻢ ﺑﺮﮨﻢ
ﺩﺭﺩ ﮐﯽ ﻟَﻮ ﮨﮯ ﻣﺪﮨﻢ ﻣﺪﮨﻢ
ﻣﯿﺮﮮ ﻗﺼﮯ ﮔﻠﯿﻮﮞ ﮔﻠﯿﻮﮞ
ﺗﯿﺮﺍ ﭼﺮﭼﺎ ﻋﺎﻟﻢ ﻋﺎﻟﻢ
ﭘﺘﮭﺮ ﭘﺘﮭﺮ ﻋﺸﻖ ﮐﯽ ﺭﺍﺗﯿﮟ
ﺣﺴﻦ ﮐﯽ ﺑﺎﺗﯿﮟ ﺭﯾﺸﻢ ﺭﯾﺸﻢ
ﯾﺎﻗﻮﺗﯽ ﮨﻮﻧﭩﻮﮞ ﭘﺮ ﭼﻤﮑﯿﮟ
ﺍُﺱ ﮐﯽ ﺁﻧﮑﮭﯿﮟ ﻧﯿﻠﻢ ﻧﯿﻠﻢ
ﭼﮩﺮﮦ ﻻﻝ ﮔﻼﺏ ﮐﺎ ﻣﻮﺳﻢ
ﺑﮭﯿﮕﯽ ﭘﻠﮑﯿﮟ ﺷﺒﻨﻢ ﺷﺒﻨﻢ
ﺍﯾﮏ ﺟﺰﺍ ﮨﮯ ﺟﻨﺖ ﺟﻨﺖ
ﺍﯾﮏ ﺧﻄﺎ ﮨﮯ ﺁﺩﻡ ﺁﺩﻡ
ﺍﯾﮏ ﻟﮩﻮ ﮐﮯ ﺭﻧﮓ ﻣﯿﮟ ﻏﻠﻄﺎﮞ
ﻣﻘﻞ ﻣﻘﺘﻞ، ﭘﺮﭼﻢ ﭘﺮﭼﻢ
ﺍﯾﮏ ﻋﺬﺍﺏ ﮨﮯ ﺑﺴﺘﯽ ﺑﺴﺘﯽ
ﺍﯾﮏ ﺻﺪﺍ ﮨﮯ ﻣﺎﺗﻢ ﻣﺎﺗﻢ
ﺳﺎﺭﯼ ﻻﺷﯿﮟ ﭨﮑﮍﮮ ﭨﮑﮍﮮ
ﺳﺎﺭﯼ ﺁﻧﮑﮭﯿﮟ ﭘﺮﻧﻢ ﭘﺮﻧﻢ
ﮨﺠﺮ ﮐﮯ ﻟﻤﺤﮯ ﺯﺧﻤﯽ ﺯﺧﻤﯽ
ﺍﺱ ﮐﯽ ﯾﺎﺩﯾﮟ ﻣﺮﮨﻢ ﻣﺮﮨﻢ
ﺩﺍﺩ ﻃﻠﺐ ﺍﻋﺠﺎﺯِ ﻋﺼﻤﺖ
ﻋﯿﺴﯽٰ ﻋﯿﺴﯽٰ، ﻣﺮﯾﻢ ﻣﺮﯾﻢ
ﻣﺤﺴﻦ ﮨﻢ ﺍﺧﺒﺎﺭ ﻣﯿﮟ ﮔﻢ ﮨﯿﮟ
ﺻﻔﺤﮧ ﺻﻔﺤﮧ ﮐﺎﻟﻢ ﮐﺎﻟﻢ
محسن نقوی
No comments:
Post a Comment