ردیف '' ہو جانا ''
مرزا اسد اللہ خان غالب
احسن مارہروی
محسن نقوی / احمد فراز
منور رانا / ڈاکٹر جاوید جمیل
تقی عثمانی / مرید باقر انصاری
قتیل شفائی / رحمان فارس
وشمہ خان وشمہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻋﺸﺮﺕِ ﻗﻄﺮﮦ ﮨﮯ ﺩﺭﯾﺎ ﻣﯿﮟ ﻓﻨﺎ ﮨﻮ ﺟﺎﻧﺎ
ﺩﺭﺩ ﮐﺎ ﺣﺪ ﺳﮯ ﮔﺰﺭﻧﺎ ﮨﮯ ﺩﻭﺍ ﮨﻮ ﺟﺎﻧﺎ
ﺗﺠﮫ ﺳﮯ، ﻗﺴﻤﺖ ﻣﯿﮟ ﻣﺮﯼ، ﺻﻮﺭﺕِ ﻗﻔﻞِ ﺍﺑﺠﺪ
ﺗﮭﺎ ﻟﮑﮭﺎ ﺑﺎﺕ ﮐﮯ ﺑﻨﺘﮯ ﮨﯽ ﺟﺪﺍ ﮨﻮ ﺟﺎﻧﺎ
ﺩﻝ ﮨﻮﺍ ﮐﺸﻤﮑﺶِ ﭼﺎﺭۂ ﺯﺣﻤﺖ ﻣﯿﮟ ﺗﻤﺎﻡ
ﻣِﭧ ﮔﯿﺎ ﮔﮭِﺴﻨﮯ ﻣﯿﮟ ﺍُﺱ ﻋُﻘﺪﮮ ﮐﺎ ﻭﺍ ﮨﻮ ﺟﺎﻧﺎ
ﺍﺏ ﺟﻔﺎ ﺳﮯ ﺑﮭﯽ ﮨﯿﮟ ﻣﺤﺮﻭﻡ ﮨﻢ ﺍﻟﻠﮧ ﺍﻟﻠﮧ
ﺍﺱ ﻗﺪﺭ ﺩﺷﻤﻦِ ﺍﺭﺑﺎﺏِ ﻭﻓﺎ ﮨﻮ ﺟﺎﻧﺎ
ﺿﻌﻒ ﺳﮯ ﮔﺮﯾﮧ ﻣﺒﺪّﻝ ﺑﮧ ﺩﻡِ ﺳﺮﺩ ﮨﻮﺍ
ﺑﺎﻭﺭ ﺁﯾﺎ ﮨﻤﯿﮟ ﭘﺎﻧﯽ ﮐﺎ ﮨﻮﺍ ﮨﻮ ﺟﺎﻧﺎ
ﺩِﻝ ﺳﮯ ﻣِﭩﻨﺎ ﺗﺮﯼ ﺍﻧﮕﺸﺖِ ﺣﻨﺎﺋﯽ ﮐﺎ ﺧﯿﺎﻝ
ﮨﻮ ﮔﯿﺎ ﮔﻮﺷﺖ ﺳﮯ ﻧﺎﺧﻦ ﮐﺎ ﺟُﺪﺍ ﮨﻮ ﺟﺎﻧﺎ
ﮨﮯ ﻣﺠﮭﮯ ﺍﺑﺮِ ﺑﮩﺎﺭﯼ ﮐﺎ ﺑﺮﺱ ﮐﺮ ﮐﮭُﻠﻨﺎ
ﺭﻭﺗﮯ ﺭﻭﺗﮯ ﻏﻢِ ﻓُﺮﻗﺖ ﻣﯿﮟ ﻓﻨﺎ ﮨﻮ ﺟﺎﻧﺎ
ﮔﺮ ﻧﮩﯿﮟ ﻧﮑﮩﺖِ ﮔﻞ ﮐﻮ ﺗﺮﮮ ﮐﻮﭼﮯ ﮐﯽ ﮨﻮﺱ
ﮐﯿﻮﮞ ﮨﮯ ﮔﺮﺩِ ﺭﮦِ ﺟَﻮﻻﻥِ ﺻﺒﺎ ﮨﻮ ﺟﺎﻧﺎ
ﺗﺎﮐﮧ ﺗﺠﮫ ﭘﺮ ﮐﮭُﻠﮯ ﺍﻋﺠﺎﺯِ ﮨﻮﺍﺋﮯ ﺻَﯿﻘﻞ
ﺩﯾﮑﮫ ﺑﺮﺳﺎﺕ ﻣﯿﮟ ﺳﺒﺰ ﺁﺋﻨﮯ ﮐﺎ ﮨﻮ ﺟﺎﻧﺎ
ﺑﺨﺸﮯ ﮨﮯ ﺟﻠﻮۂ ﮔُﻞ، ﺫﻭﻕِ ﺗﻤﺎﺷﺎ ﻏﺎﻟﺐ
ﭼﺸﻢ ﮐﻮ ﭼﺎﮨﯿﮯ ﮨﺮ ﺭﻧﮓ ﻣﯿﮟ ﻭﺍ ﮨﻮ ﺟﺎﻧﺎ
مرزا اسد اللہ خان غالب
۔۔۔۔۔۔۔۔۔۔۔۔۔۔۔۔۔
ﭼﺎﮨﯿﺌﮯ ﻋﺸﻖ ﻣﯿﮟ ﺍﺱ ﻃﺮﺡ ﻓﻨﺎ ﮨﻮ ﺟﺎﻧﺎ
ﺟﺲ ﻃﺮﺡ ﺁﻧﮑﮫ ﺍﭨﮭﮯ ﻣﺤﻮ ﺍﺩﺍ ﮨﻮ ﺟﺎﻧﺎ
ﮐﺴﯽ ﻣﻌﺸﻮﻕ ﮐﺎ ﻋﺎﺷﻖ ﺳﮯ ﺧﻔﺎ ﮨﻮ ﺟﺎﻧﺎ
ﺭﻭﺡ ﮐﺎ ﺟﺴﻢ ﺳﮯ ﮔﻮﯾﺎ ﮨﮯ ﺟﺪﺍ ﮨﻮ ﺟﺎﻧﺎ
ﻣﻮﺕ ﮨﯽ ﺁﭖ ﮐﮯ ﺑﯿﻤﺎﺭ ﮐﯽ ﻗﺴﻤﺖ ﻣﯿﮟ ﻧﮧ ﺗﮭﯽ
ﻭﺭﻧﮧ ﮐﺐ ﺯﮨﺮ ﮐﺎ ﻣﻤﮑﻦ ﺗﮭﺎ ﺩﻭﺍ ﮨﻮ ﺟﺎﻧﺎ
ﺍﭘﻨﮯ ﭘﮩﻠﻮ ﻣﯿﮟ ﺗﺠﮭﮯ ﺩﯾﮑﮫ ﮐﮯ ﺣﯿﺮﺕ ﮨﮯ ﻣﺠﮭﮯ
ﺧﺮﻕ ﻋﺎﺩﺕ ﮨﮯ ﺗﺮﺍ ﻭﻋﺪﮦ ﻭﻓﺎ ﮨﻮ ﺟﺎﻧﺎ
ﻭﻗﻌﺖ ﻋﺸﻖ ﮐﮩﺎﮞ ﺟﺐ ﯾﮧ ﺗﻠﻮﻥ ﮨﻮ ﻭﮨﺎﮞ
ﮐﺒﮭﯽ ﺭﺍﺿﯽ ﮐﺒﮭﯽ ﻋﺎﺷﻖ ﺳﮯ ﺧﻔﺎ ﮨﻮ ﺟﺎﻧﺎ
ﺟﺐ ﻣﻼﻗﺎﺕ ﮨﻮﺋﯽ ﺗﻢ ﺳﮯ ﺗﻮ ﺗﮑﺮﺍﺭ ﮨﻮﺋﯽ
ﺍﯾﺴﮯ ﻣﻠﻨﮯ ﺳﮯ ﺗﻮ ﺑﮩﺘﺮ ﮨﮯ ﺟﺪﺍ ﮨﻮ ﺟﺎﻧﺎ
ﭼﮭﯿﮍ ﮐﭽﮫ ﮨﻮ ﮐﮧ ﻧﮧ ﮨﻮ ﺑﺎﺕ ﮨﻮﺋﯽ ﮨﻮ ﮐﮧ ﻧﮧ ﮨﻮ
ﺑﯿﭩﮭﮯ ﺑﯿﭩﮭﮯ ﺍﻧﮩﯿﮟ ﺁﺗﺎ ﮨﮯ ﺧﻔﺎ ﮨﻮ ﺟﺎﻧﺎ
ﻣﺠﮫ ﺳﮯ ﭘﮭﺮ ﺟﺎﺋﮯ ﺟﻮ ﺩﻧﯿﺎ ﺗﻮ ﺑﻼ ﺳﮯ ﭘﮭﺮ ﺟﺎﺋﮯ
ﺗﻮ ﻧﮧ ﺍﮮ ﺁﮦ ﺯﻣﺎﻧﮯ ﮐﯽ ﮨﻮﺍ ﮨﻮ ﺟﺎﻧﺎ
ﺍﺣﺴﻦ ﺍﭼﮭﺎ ﮨﮯ ﺭﮨﮯ ﻣﺎﻝ ﻋﺮﺏ ﭘﯿﺶ ﻋﺮﺏ
ﺩﮮ ﮐﮯ ﺩﻝ ﺗﻢ ﻧﮧ ﮔﺮﻓﺘﺎﺭ ﺑﻼ ﮨﻮ ﺟﺎﻧﺎ
احسن مارہروی
۔۔۔۔۔۔۔۔۔۔۔۔۔۔۔۔۔
ﺳﺎﯾۂ ﮔُﻞ ﺳﮯ ﺑﮩﺮ ﻃَﻮﺭ ﺟُﺪﺍ ﮨﻮ ﺟﺎﻧﺎ
ﺭﺍﺱ ﺁﯾﺎ ﻧﮧ ﻣﺠﮭﮯ ﻣﻮﺝِ ﺻﺒﺎ ﮨﻮ ﺟﺎﻧﺎ
ﺍﭘﻨﺎ ﮨﯽ ﺟﺴﻢ ﻣﺠﮭﮯ ﺗﯿﺸۂ ﻓﺮﮨﺎﺩ ﻟﮕﺎ
ﻣﯿﮟ ﻧﮯ ﭼﺎﮨﺎ ﺗﮭﺎ ﭘﮩﺎﮌﻭﮞ ﮐﯽ ﺻﺪﺍ ﮨﻮ ﺟﺎﻧﺎ
ﻣﻮﺳﻢِ ﮔُﻞ ﮐﮯ ﺗﻘﺎﺿﻮﮞ ﺳﮯ ﺑﻐﺎﻭﺕ ﭨﮭﮩﺮﺍ
ﻗﻔﺲِ ﻏﻨﭽﮧ ﺳﮯ ﺧﻮﺷﺒﻮ ﮐﺎ ﺭِﮨﺎ ﮨﻮ ﺟﺎﻧﺎ
ﻗﺼﺮِ ﺁﻭﺍﺯ ﻣﯿﮟ ﺍﮎ ﺣﺸﺮ ﺟﮕﺎ ﺩﯾﺘﺎ ﮨﮯ
ﺍُﺱ ﺣﺴﯿﮟ ﺷﺨﺺ ﮐﺎ ﺗﺼﻮﯾﺮ ﻧﻤﺎ ﮨﻮ ﺟﺎﻧﺎ
ﺭﺍﮦ ﮐﯽ ﮔﺮﺩ ﺳﮩﯽ ، ﻣﺎﺋﻞِ ﭘﺮﻭﺍﺯ ﺗﻮ ﮨُﻮﮞ
ﻣﺠﮫ ﮐﻮ ﺁﺗﺎ ﻧﮩﯿﮟ ﻧﻘﺶِ ﮐﻒِ ﭘﺎ ﮨﻮ ﺟﺎﻧﺎ
ﺯﻧﺪﮔﯽ ﺗﯿﺮﮮ ﺗﺒﺴّﻢ ﮐﯽ ﻭﺿﺎﺣﺖ ﺗﻮ ﻧﮩﯿﮟ؟
ﻣﻮﺝِ ﻃﻮﻓﺎﮞ ﮐﺎ ﺍُﺑﮭﺮﺗﮯ ﮨﯽ ﻓﻨﺎ ﮨﻮ ﺟﺎﻧﺎ
ﮐﯿﻮﮞ ﻧﮧ ﺍُﺱ ﺯﺧﻢ ﮐﻮ ﻣﯿﮟ ﭘﮭﻮﻝ ﺳﮯ ﺗﻌﺒﯿﺮ ﮐﺮﻭﮞ
ﺟﺲ ﮐﻮ ﺁﺗﺎ ﮨﻮ ﺗﺮﺍ " ﺑﻨﺪِ ﻗﺒﺎ " ﮨﻮ ﺟﺎﻧﺎ
ﺍﺷﮏِ ﮐﻢ ﮔﻮ ! ﺗﺠﮭﮯ ﻟﻔﻈﻮﮞ ﮐﯽ ﻗﺒﺎ ﮔﺮ ﻧﮧ ﻣِﻠﮯ
ﻣﯿﺮﯼ ﭘﻠﮑﻮﮞ ﮐﯽ ﺯﺑﺎﮞ ﺳﮯ ﮨﯽ ﺍﺩﺍ ﮨﻮ ﺟﺎﻧﺎ
ﻗﺘﻞ ﮔﺎﮨﻮﮞ ﮐﯽ ﻃﺮﺡ ﺳُﺮﺥ ﮨﮯ ﺭﺳﺘﻮﮞ ﮐﯽ ﺟﺒﯿﮟ
ﺍﮎ ﻗﯿﺎﻣﺖ ﺗﮭﺎ ﻣِﺮﺍ ﺁﺑﻠﮧ ﭘﺎ ﮨﻮ ﺟﺎﻧﺎ
ﭘﮩﻠﮯ ﺩﯾﮑﮭﻮ ﺗﻮ ﺳﮩﯽ ﺍﭘﻨﮯ ﮐﺮﻡ ﮐﯽ ﻭﺳﻌﺖ
ﭘﮭﺮ ﺑﮍﮮ ﺷﻮﻕ ﺳﮯ ﺗُﻢ ﻣﯿﺮﮮ ﺧﺪﺍ ﮨﻮ ﺟﺎﻧﺎ
ﺑﮯ ﻃﻠﺐ ﺩَﺭﺩ ﮐﯽ ﺩﻭﻟﺖ ﺳﮯ ﻧﻮﺍﺯﻭ ﻣﺠﮫ ﮐﻮ
ﺩﻝ ﮐﯽ ﺗﻮﮨﯿﻦ ﮨﮯ ﻣﺮﮨﻮﻥِ ﺩُﻋﺎ ﮨﻮ ﺟﺎﻧﺎ
ﻣﯿﺮﯼ ﺁﻧﮑﮭﻮﮞ ﮐﮯ ﺳﻤﻨﺪﺭ ﻣﯿﮟ ﺍُﺗﺮﻧﮯ ﻭﺍﻟﮯ
ﮐﻮﻥ ﺟﺎﻧﮯ ﺗِﺮﯼ ﻗﺴﻤﺖ ﻣﯿﮟ ﮨﮯ ﮐﯿﺎ ﮨﻮ ﺟﺎﻧﺎ
ﮐﺘﻨﮯ ﺧﻮﺍﺑﯿﺪﮦ ﻣﻨﺎﻇﺮ ﮐﻮ ﺟﮕﺎﺋﮯ ﻣﺤﺴﻦ
ﺟﺎﮔﺘﯽ ﺁﻧﮑﮫ ﮐﺎ ﭘﺘﮭﺮﺍﯾﺎ ﮨُﻮﺍ ﮨﻮ ﺟﺎﻧﺎ
محسن نقوی
۔۔۔۔۔۔۔۔۔۔۔۔۔۔۔۔۔۔۔۔۔
ﺑﮯ ﻧﯿﺎﺯِ ﻏﻢِ ﭘﯿﻤﺎﻥِ ﻭﻓﺎ ﮨﻮ ﺟﺎﻧﺎ
ﺗﻢ ﺑﮭﯽ ﺍﻭﺭﻭﮞ ﮐﯽ ﻃﺮﺡ ﻣﺠﮫ ﺳﮯ ﺟﺪﺍ ﮨﻮ ﺟﺎﻧﺎ
ﻣﯿﮟ ﺑﮭﯽ ﭘﻠﮑﻮﮞ ﭘﮧ ﺳﺠﺎ ﻟﻮﮞ ﮔﺎ ﻟﮩﻮ ﮐﯽ ﺑﻮﻧﺪﯾﮟ
ﺗﻢ ﺑﮭﯽ ﭘﺎ ﺑﺴﺘۂ ﺯﻧﺠﯿﺮِ ﺣﻨﺎ ﮨﻮ ﺟﺎﻧﺎ
ﮔﺮﭼﮧ ﺍﺏ ﻗﺮﺏ ﮐﺎ ﺍﻣﮑﺎﮞ ﮨﮯ ﺑﮩﺖ ﮐﻢ ﭘﮭﺮ ﺑﮭﯽ
ﮐﮩﯿﮟ ﻣﻞ ﺟﺎﺋﯿﮟ ﺗﻮ ﺗﺼﻮﯾﺮ ﻧﻤﺎ ﮨﻮ ﺟﺎﻧﺎ
ﺻﺮﻑ ﻣﻨﺰﻝ ﮐﯽ ﻃﻠﺐ ﮨﻮ ﺗﻮ ﮐﮩﺎﮞ ﻣﻤﮑﻦ ﮨﮯ
ﺩﻭﺳﺮﻭﮞ ﮐﮯ ﻟﯿﮯ ﺧﻮﺩ ﺁﺑﻠﮧ ﭘﺎ ﮨﻮ ﺟﺎﻧﺎ
ﺧﻠﻖ ﮐﯽ ﺳﻨﮓ ﺯﻧﯽ ﻣﯿﺮﯼ ﺧﻄﺎﺅﮞ ﮐﺎ ﺻﻠﮧ
ﺗﻢ ﺗﻮ ﻣﻌﺼﻮﻡ ﮨﻮ ﺗﻢ ﺩُﻭﺭ ﺫﺭﺍ ﮨﻮ ﺟﺎﻧﺎ
ﺍﺏ ﻣﺮﮮ ﻭﺍﺳﻄﮯ ﺗﺮﯾﺎﻕ ﮨﮯ ﺍﻟﺤﺎﺩ ﮐﺎ ﺯﮨﺮ
ﺗﻢ ﮐﺴﯽ ﺍﻭﺭ ﭘﺠﺎﺭﯼ ﮐﮯ ﺧﺪﺍ ﮨﻮ ﺟﺎﻧﺎ
احمد فراز
۔۔۔۔۔۔۔۔۔۔۔۔۔۔۔۔۔۔
ﺧﻔﺎ ﮨﻮﻧﺎ ﺫﺭﺍ ﺳﯽ ﺑﺎﺕ ﭘﺮ ﺗﻠﻮﺍﺭ ﮨﻮ ﺟﺎﻧﺎ
ﻣﮕﺮ ﭘﮭﺮ ﺧﻮﺩ ﺑﮧ ﺧﻮﺩ ﻭﮦ ﺁﭖ ﮐﺎ ﮔﻠﻨﺎﺭ ﮨﻮ ﺟﺎﻧﺎ
ﮐﺴﯽ ﺩﻥ ﻣﯿﺮﯼ ﺭﺳﻮﺍﺋﯽ ﮐﺎ ﯾﮧ ﮐﺎﺭﻥ ﻧﮧ ﺑﻦ ﺟﺎﺋﮯ
ﺗﻤﮩﺎﺭﺍ ﺷﮩﺮ ﺳﮯ ﺟﺎﻧﺎ ﻣﺮﺍ ﺑﯿﻤﺎﺭ ﮨﻮ ﺟﺎﻧﺎ
ﻭﮦ ﺍﭘﻨﺎ ﺟﺴﻢ ﺳﺎﺭﺍ ﺳﻮﻧﭗ ﺩﯾﻨﺎ ﻣﯿﺮﯼ ﺁﻧﮑﮭﻮﮞ ﮐﻮ
ﻣﺮﯼ ﭘﮍﮬﻨﮯ ﮐﯽ ﮐﻮﺷﺶ ﺁﭖ ﮐﺎ ﺍﺧﺒﺎﺭ ﮨﻮ ﺟﺎﻧﺎ
ﮐﺒﮭﯽ ﺟﺐ ﺁﻧﺪﮬﯿﺎﮞ ﭼﻠﺘﯽ ﮨﯿﮟ ﮨﻢ ﮐﻮ ﯾﺎﺩ ﺁﺗﺎ ﮨﮯ
ﮨﻮﺍ ﮐﺎ ﺗﯿﺰ ﭼﻠﻨﺎ ﺁﭖ ﮐﺎ ﺩﯾﻮﺍﺭ ﮨﻮ ﺟﺎﻧﺎ
ﺑﮩﺖ ﺩﺷﻮﺍﺭ ﮨﮯ ﻣﯿﺮﮮ ﻟﯿﮯ ﺍﺱ ﮐﺎ ﺗﺼﻮﺭ ﺑﮭﯽ
ﺑﮩﺖ ﺁﺳﺎﻥ ﮨﮯ ﺍﺱ ﮐﮯ ﻟﯿﮯ ﺩﺷﻮﺍﺭ ﮨﻮ ﺟﺎﻧﺎ
ﮐﺴﯽ ﮐﯽ ﯾﺎﺩ ﺁﺗﯽ ﮨﮯ ﺗﻮ ﯾﮧ ﺑﮭﯽ ﯾﺎﺩ ﺁﺗﺎ ﮨﮯ
ﮐﮩﯿﮟ ﭼﻠﻨﮯ ﮐﯽ ﺿﺪ ﮐﺮﻧﺎ ﻣﺮﺍ ﺗﯿﺎﺭ ﮨﻮ ﺟﺎﻧﺎ
ﮐﮩﺎﻧﯽ ﮐﺎ ﯾﮧ ﺣﺼﮧ ﺍﺏ ﺑﮭﯽ ﮐﻮﺋﯽ ﺧﻮﺍﺏ ﻟﮕﺘﺎ ﮨﮯ
ﺗﺮﺍ ﺳﺮ ﭘﺮ ﺑﭩﮭﺎ ﻟﯿﻨﺎ ﻣﺮﺍ ﺩﺳﺘﺎﺭ ﮨﻮ ﺟﺎﻧﺎ
ﻣﺤﺒﺖ ﺍﮎ ﻧﮧ ﺍﮎ ﺩﻥ ﯾﮧ ﮨﻨﺮ ﺗﻢ ﮐﻮ ﺳﮑﮭﺎ ﺩﮮ ﮔﯽ
ﺑﻐﺎﻭﺕ ﭘﺮ ﺍﺗﺮﻧﺎ ﺍﻭﺭ ﺧﻮﺩ ﻣﺨﺘﺎﺭ ﮨﻮ ﺟﺎﻧﺎ
ﻧﻈﺮ ﻧﯿﭽﯽ ﮐﯿﮯ ﺍﺱ ﮐﺎ ﮔﺰﺭﻧﺎ ﭘﺎﺱ ﺳﮯ ﻣﯿﺮﮮ
ﺫﺭﺍ ﺳﯽ ﺩﯾﺮ ﺭﮐﻨﺎ ﭘﮭﺮ ﺻﺒﺎ ﺭﻓﺘﺎﺭ ﮨﻮ ﺟﺎﻧﺎ
منور رانا
۔۔۔۔۔۔۔۔۔۔۔۔۔۔۔۔۔
ﺍﺗﻨﺎ ﺁﺳﺎﮞ ﮐﮩﺎﮞ ﺳﺎﻣﺎﻥِ ﺑﻘﺎ ﮨﻮ ﺟﺎﻧﺎ
ﺩﻝ ﻣﯿﮟ ﺍﺣﺴﺎﺱِ ﻓﻨﺎ ﮐﺎ ﺑﮭﯽ ﻓﻨﺎ ﮨﻮ ﺟﺎﻧﺎ
ﻋﺸﻖ ﺩﺭﺍﺻﻞ ﮨﮯ ﺑﮯ ﻟﻮﺙ ﻭﻓﺎ ﮨﻮ ﺟﺎﻧﺎ
ﻋﺸﻖ ﮐﯽ ﺭﺍﮦ ﻣﯿﮟ ﺧﻮﺩ ﺳﮯ ﺑﮭﯽ ﺟﺪﺍ ﮨﻮ ﺟﺎﻧﺎ
ﺍﻧﮑﮯ ﻣﺎﺗﮭﮯ ﭘﮧ ﻟﮑﯿﺮﯾﮟ ﻧﮩﯿﮟ ﺁﻧﮯ ﭘﺎﺋﯿﮟ
ﺍﻧﮑﮯ ﮨﺎﺗﮭﻮﮞ ﮐﯽ ﻟﮑﯿﺮﻭﮞ ﮐﯽ ﺣﻨﺎ ﮨﻮ ﺟﺎﻧﺎ
ﮨﻮﻧﭧ ﻧﺎﺭﺍﺽ ﺗﮭﮯ، ﺁﻧﮑﮭﯿﮟ ﺗﮭﯿﮟ ﻣﺠﺴﻢ ﺍﻟﻔﺖ
ﺍﻧﮑﮯ ﺑﺲ ﻣﯿﮟ ﮨﯽ ﻧﮩﯿﮟ ﻣﺠﮫ ﺳﮯ ﺧﻔﺎ ﮨﻮ ﺟﺎﻧﺎ
ﻻﮐﮫ ﮐﺮﺗﯽ ﮨﻮ ﮐﺴﯽ ﺑﺖ ﮐﯽ ﭘﺮﺳﺘﺶ ﺩﻧﯿﺎ
ﮐﯿﺴﮯ ﻣﻤﮑﻦ ﮨﮯ ﺑﮭﻼ ﺑﺖ ﮐﺎ ﺧﺪﺍ ﮨﻮ ﺟﺎﻧﺎ
ﺑﻨﺘﺎ ﮨﮯ ﺍﯾﮏ ﻣﺮﺽ ﻣﻮﺕ ﮐﺎ ﺑﺎﻋﺚ ﻭﺭﻧﮧ
ﮨﺮ ﻣﺮﺽ ﮐﮯ ﻟﺌﮯ ﻣﻤﮑﻦ ﮨﮯ ﺷﻔﺎ ﮨﻮ ﺟﺎﻧﺎ
ﺍﺳﮑﻮ ﺍﯾﻤﺎﮞ ﮐﮩﻮ ﯾﺎ ﻋﺸﻖِ ﺣﻘﯿﻘﯽ ﺟﺎﻭﯾﺪ
ﻣﺮﺣﻠﮧ ﮐﻮﺋﯽ ﮨﻮ ﺭﺍﺿﯽ ﺑﺮﺿﺎ ﮨﻮ ﺟﺎﻧﺎ
ڈاکٹر جاوید جمیل
۔۔۔۔۔۔۔۔۔۔۔۔۔۔۔۔۔
ﻣﺤﺒﺖ ﮐﯿﺎ ﮨﮯ ﺩﻝ ﮐﺎ ﺩﺭﺩ ﺳﮯ ﻣﻌﻤﻮﺭ ﮨﻮ ﺟﺎﻧﺎ
ﻣﺘﺎﻉِ ﺟﺎﮞ ﮐﺴﯽ ﮐﻮ ﺳﻮﻧﭗ ﮐﺮ ﻣﺠﺒﻮﺭ ﮨﻮ ﺟﺎﻧﺎ
ﻗﺪﻡ ﮨﯿﮟ ﺭﺍﮦِ ﺍﻟﻔﺖ ﻣﯿﮟ ﺗﻮ ﻣﻨﺰﻝ ﮐﯽ ﮨﻮﺱ ﮐﯿﺴﯽ؟
ﯾﮩﺎﮞ ﺗﻮ ﻋﯿﻦ ﻣﻨﺰﻝ ﮨﮯ ﺗﮭﮑﻦ ﺳﮯ ﭼﻮﺭ ﮨﻮ ﺟﺎﻧﺎ
ﯾﮩﺎﮞ ﺗﻮ ﺳﺮ ﺳﮯ ﭘﮩﻠﮯ ﺩﻝ ﮐﺎ ﺳﻮﺩﺍ ﺷﺮﻁ ﮨﮯ ﯾﺎﺭﻭ
ﮐﻮﺋﯽ ﺁﺳﺎﻥ ﮨﮯ ﮐﯿﺎ ﺳﺮﻣﺪ ﻭ ﻣﻨﺼﻮﺭ ﮨﻮ ﺟﺎﻧﺎ؟
ﺑﺴﺎ ﻟﯿﻨﺎ ﮐﺴﯽ ﮐﻮ ﺩﻝ ﻣﯿﮟ، ﺩﻝ ﮨﯽ ﮐﺎ ﮐﻠﯿﺠﺎ ﮨﮯ
ﭘﮩﺎﮌﻭﮞ ﮐﻮ ﺗﻮ ﺑﺲ ﺁﺗﺎ ﮨﮯ ﺟﻞ ﮐﺮ ﻃﻮﺭ ﮨﻮ ﺟﺎﻧﺎ
ﻧﻈﺮ ﺳﮯ ﺩﻭﺭ ﺭﮦ ﮐﺮ ﺑﮭﯽ ﺗﻘﯽ ﻭﮦ ﭘﺎﺱ ﮨﯿﮟ ﻣﯿﺮﮮ
ﮐﮧ ﻣﯿﺮﯼ ﻋﺎﺷﻘﯽ ﮐﻮ ﻋﯿﺐ ﮨﮯ ﻣﮩﺠﻮﺭ ﮨﻮ ﺟﺎﻧﺎ
تقی عثمانی
۔۔۔۔۔۔۔۔۔۔۔۔۔۔۔۔۔
ﻣﯿﮟ ﻧﮯ ﭼﺎﮨﺎ ﺗﮭﺎ ﮐﺒﮭﯽ ﻣﺜﻞِ ﻭﻓﺎ ﮨﻮ ﺟﺎﻧﺎ
ﻣﺠﮫ ﮐﻮ ﺭﺍﺱ ﺁﯾﺎ ﻧﮧ ﺍﻧﺴﺎﮞ ﭘﮧ ﻓِﺪﺍ ﮨﻮ ﺟﺎﻧﺎ
ﺍﺱ ﺳﮯ ﺑﮩﺘﺮ ﮨﮯ ﻣﺤﺒﺖ ﮨﯽ ﻧﮧ ﮐﺮ ﺗُﻮ ﮔُﮍﯾﺎ
ﺍﭼﮭﺎ ﻟﮕﺘﺎ ﻧﮩﯿﮟ ﭘﮭﺮ ﺁﺑﻠﮧ ﭘﺎ ﮨﻮ ﺟﺎﻧﺎ
ﺗُﻮ ﻧﮯ ﺩﯾﮑﮭﺎ ﮨﮯ ﮐﺒﮭﯽ ﺟﺎﻥِ ﺟﮩﺎﮞ ﻭﮦ ﻣﻨﻈﺮ
ﺗﯿﺮﮮ ﺑﺴﻤﻞ ﮐﺎ ﺗﺮﯼ ﺩُﮬﻦ ﻣﯿﮟ ﻓﻨﺎ ﮨﻮ ﺟﺎﻧﺎ
ﺍُﺱ ﮐﻮ ﮨﺮ ﻟﻤﺤﮧ ﺟﻮ ﮨﻮﺗﯽ ﮨﮯ ﺿﺮﻭﺭﺕ ﻣﯿﺮﯼ
ﺍُﺱ ﮐﻮ ﺟﭽﺘﺎ ﮨﯽ ﻧﮩﯿﮟ ﻣﺠﮫ ﺳﮯ ﺟﺪﺍ ﮨﻮ ﺟﺎﻧﺎ
ﺍﮮ ﻣﺮﮮ ﺩﻝ ﺑﮍﯼ ﻣﺸﮑﻞ ﺳﮯ ﺗُﻮ ﺑُﮭﻮﻻ ﮨﮯ ﺍُﺳﮯ
ﺍﺏ ﻧﺌﮯ ﻋﺸﻖ ﻣﯿﮟ ﭘﮭﺮ ﺳﮯ ﻧﮧ ﻓﻨﺎ ﮨﻮ ﺟﺎﻧﺎ
ﻣﺠﮫ ﮐﻮ ﺩﮐﮭﻼﻧﺎ ﻧﮧ ﻣﺎﻟﮏ ﮐﺒﮭﯽ ﻣﻨﻈﺮ ﺍﯾﺴﺎ
ﮐﺴﯽ ﺍﻧﺴﺎﻥ ﮐﺎ ﺍﻧﺴﺎﮞ ﭘﮧ ﺧﺪﺍ ﮨﻮ ﺟﺎﻧﺎ
ﺗﺠﮫ ﺳﮯ ﮨﻮ ﮔﯽ ﻧﮧ ﺩﮐﮭﺎﻭﮮ ﮐﯽ ﻋﺒﺎﺩﺕ ﺑﺎﻗﺮ
ﮐﺴﯽ ﻣﻈﻠﻮﻡ ﮐﮯ ﮨﻮﻧﭩﻮﮞ ﮐﯽ ﺻﺪﺍ ﮨﻮ ﺟﺎﻧﺎ
مرید باقر انصاری
۔۔۔۔۔۔۔۔۔۔۔۔۔۔۔۔۔۔
ﯾﻮﮞ ﻟﮕﮯ ﺩﻭﺳﺖ ﺗﺮﺍ ﻣﺠﮫ ﺳﮯ ﺧﻔﺎ ﮨﻮ ﺟﺎﻧﺎ
ﺟﺲ ﻃﺮﺡ ﭘﮭﻮﻝ ﺳﮯ ﺧﻮﺷﺒﻮ ﮐﺎ ﺟﺪﺍ ﮨﻮ ﺟﺎﻧﺎ
ﺍﮨﻞِ ﺩﻝ ﺳﮯ ﯾﮧ ﺗﺮﺍ ﺗﺮﮎِ ﺗﻌﻠﻖ ﯾﻌﻨﯽ
ﻭﻗﺖ ﺳﮯ ﭘﮩﻠﮯ ﺍﺳﯿﺮﻭﮞ ﮐﺎ ﺭﮨﺎ ﮨﻮﺟﺎﻧﺎ
ﯾﻮﮞ ﺍﮔﺮ ﮨﻮﺗﻮ ﺟﮩﺎﮞ ﻣﯿﮟ ﮐﻮﺋﯽ ﮐﺎﻓﺮ ﻧﮧ ﺭﮨﮯ
ﻣﻌﺠﺰﮦ ﮨﮯ ﺗﺮﮮ ﻭﻋﺪﮮ ﮐﺎ ﻭﻓﺎ ﮨﻮﺟﺎﻧﺎ
ﺯﻧﺪﮔﯽ ! ﻣﯿﮟ ﺑﮭﯽ ﭼﻠﻮﮞ ﮔﺎ ﺗﺮﮮ ﭘﯿﭽﮭﮯ ﭘﯿﭽﮭﮯ
ﺗﻮ ﻣﺮﮮ ﺩﻭﺳﺖ ﮐﺎ ﻧﻘﺶِ ﮐﻒِ ﭘﺎ ﮨﻮﺟﺎﻧﺎ
ﺁﮔﺌﯽ ﺭﺍﺱ ﺍﮔﺮ ﻣﺠﮫ ﮐﻮ ﺍﺱ ﺁﻧﭽﻞ ﮐﯽ ﮨﻮﺍ
ﺗﻮ ﺧﻔﺎ ﻣﺠﮫ ﺳﮯ ﻧﮧ ﺍﮮ ﺑﺎﺩِ ﺻﺒﺎ ﮨﻮﺟﺎﻧﺎ
ﺍﮮ ﺟﮩﺎﮞ ﮨﻢ ﮐﻮ ﻋﺪﺍﻭﺕ ﺳﮯ ﻧﮩﯿﮟ ﮨﮯ ﻓﺮﺻﺖ
ﭘﮭﺮ ﮐﺒﮭﯽ ﺩﺷﻤﻦِ ﺍﺭﺑﺎﺏِ ﻭﻓﺎ ﮨﻮﺟﺎﻧﺎ
ﯾﮧ ﺑﮭﯽ ﺗﯿﺮﮮ ﻗﺪ ﻭ ﻗﺎﻣﺖ ﺳﮯ ﭼﮭﭙﺎﯾﺎ ﻧﮧ ﮔﯿﺎ
ﺍِﮎ ﺳﺘﺎﺭﮮ ﺳﮯ ﺗﺮﺍ ﻣﺎﮦ ﻟﻘﺎ ﮨﻮﺟﺎﻧﺎ
ﺟﺎﻧﮯ ﯾﮧ ﮐﻮﻥ ﺳﯽ ﮐﯿﻔﯿﺖ ﻏﻤﺨﻮﺍﺭﯼ ﮨﮯ
ﻣﯿﺮﮮ ﭘﯿﺘﮯ ﮨﯽ ﻗﺘﯿﻞ ﺍﺱ ﮐﻮ ﻧﺸﮧ ﮨﻮﺟﺎﻧﺎ
قتیل شفائی
۔۔۔۔۔۔۔۔۔۔۔۔۔۔۔۔۔۔
ﺳﺮ ﺑﺴﺮ ﯾﺎﺭ ﮐﯽ ﻣﺮﺿﯽ ﭘﮧ ﻓﺪﺍ ﮨﻮ ﺟﺎﻧﺎ
ﮐﯿﺎ ﻏﻀﺐ ﮐﺎﻡ ﮨﮯ ﺭﺍﺿﯽ ﺑﮧ ﺭﺿﺎ ﮨﻮ ﺟﺎﻧﺎ
ﺑﻨﺪ ﺁﻧﮑﮭﻮﮞ ! ﻭﮦ ﭼﻠﮯ ﺁﺋﯿﮟ ﺗﻮ ﻭﺍ ﮨﻮ ﺟﺎﻧﺎ
ﺍﻭﺭ ﯾُﻮﮞ ﭘُﮭﻮﭦ ﮐﮯ ﺭﻭﻧﺎ ﮐﮧ ﻓﻨﺎ ﮨﻮ ﺟﺎﻧﺎ
ﻋﺸﻖ ﻣﯿﮟ ﮐﺎﻡ ﻧﮩﯿﮟ ﺯﻭﺭ ﺯﺑﺮﺩﺳﺘﯽ ﮐﺎ
ﺟﺐ ﺑﮭﯽ ﺗُﻢ ﭼﺎﮨﻮ ﺟُﺪﺍ ﮨﻮﻧﺎ، ﺟُﺪﺍ ﮨﻮ ﺟﺎﻧﺎ
ﺗﯿﺮﯼ ﺟﺎﻧﺐ ﮨﮯ ﺑﺘﺪﺭﯾﺞ ﺗﺮﻗّﯽ ﻣﯿﺮﯼ
ﻣﯿﺮﮮ ﮨﻮﻧﮯ ﮐﯽ ﮨﮯ ﻣﻌﺮﺍﺝ ﺗﺮﺍ ﮨﻮ ﺟﺎﻧﺎ
ﺗﯿﺮﮮ ﺁﻧﮯ ﮐﯽ ﺑﺸﺎﺭﺕ ﮐﮯ ﺳﻮﺍ ﮐﭽﮫ ﺑﮭﯽ ﻧﮩﯿﮟ
ﺑﺎﻍ ﻣﯿﮟ ﺳﻮﮐﮭﮯ ﺩﺭﺧﺘﻮﮞ ﮐﺎ ﮨﺮﺍ ﮨﻮ ﺟﺎﻧﺎ
ﺍﮎ ﻧﺸﺎﻧﯽ ﮨﮯ ﮐﺴﯽ ﺷﮩﺮ ﮐﯽ ﺑﺮﺑﺎﺩﯼ ﮐﯽ
ﻧﺎﺭﻭﺍ ﺑﺎﺕ ﮐﺎ ﯾﮏ ﻟﺨﺖ ﺭﻭﺍ ﮨﻮ ﺟﺎﻧﺎ
ﺗﻨﮓ ﺁﺟﺎﺅﮞ ﻣﺤﺒﺖ ﺳﮯ ﺗﻮ ﮔﺎﮨﮯ ﮔﺎﮨﮯ
ﺍﭼﮭﺎ ﻟﮕﺘﺎ ﮨﮯ ﻣﺠﮭﮯ ﺗﯿﺮﺍ ﺧﻔﺎ ﮨﻮ ﺟﺎﻧﺎ
ﺳﯽ ﺩﯾﮯ ﺟﺎﺋﯿﮟ ﻣﺮﮮ ﮨﻮﻧﭧ ﺗﻮ ﺍﮮ ﺟﺎﻥِ ﻏﺰﻝ
ﺍﯾﺴﺎ ﮐﺮﻧﺎ ﻣﺮﯼ ﺁﻧﮑﮭﻮﮞ ﺳﮯ ﺍﺩﺍ ﮨﻮ ﺟﺎﻧﺎ
ﺑﮯ ﻧﯿﺎﺯﯼ ﺑﮭﯽ ﻭﮨﯽ ﺍﻭﺭ ﺗﻌﻠﻖ ﺑﮭﯽ ﻭﮨﯽ
ﺗﻤﮩﯿﮟ ﺁﺗﺎ ﮨﮯ ﻣﺤﺒﺖ ﻣﯿﮟ ﺧُﺪﺍ ﮨﻮ ﺟﺎﻧﺎ
ﺍﮊﺩﮬﺎ ﺑﻦ ﮐﮯ ﺭﮒ ﻭ ﭘَﮯ ﮐﻮ ﺟﮑﮍ ﻟﯿﺘﺎ ﮨﮯ
ﺍﺗﻨﺎ ﺁﺳﺎﻥ ﻧﮩﯿﮟ ﻏﻢ ﺳﮯ ﺭﮨﺎ ﮨﻮ ﺟﺎﻧﺎ
ﺍﭼﮭﮯ ﺍﭼﮭﻮﮞ ﭘﮧ ﺑُﺮﮮ ﺩﻥ ﮬﯿﮟ ﻟﮩٰﺬﺍ ﻓﺎﺭﺱ
ﺍﭼﮭﮯ ﮨﻮﻧﮯ ﺳﮯ ﺗﻮ ﺍﭼﮭﺎ ﮨﮯ ﺑُﺮﺍ ﮨﻮ ﺟﺎﻧﺎ
ﺭﺣﻤﺎﻥ ﻓﺎﺭﺱ
۔۔۔۔۔۔۔۔۔۔۔۔۔۔۔۔۔۔۔۔۔
ﺗﯿﺮﮮ ﮨﻮﻧﭩﻮﮞ ﮐﮯ ﺗﺒﺴﻢ ﮐﯽ ﺩﻋﺎ ﮨﻮ ﺟﺎﻧﺎ
ﺍﻭﺭ ﭘﮭﺮ ﺁﻧﮑﮫ ﺟﮭﭙﮑﺘﮯ ﮨﯽ ﻓﻨﺎ ﮨﻮ ﺟﺎﻧﺎ
ﺗﻢ ﭼﻠﻮ ﺁﺝ ﮐﯽ ﺧﻮﺍﮨﺶ ﭘﮧ ﺗﻮ ﻣﻠﻨﮯ ﺁﺅ
ﺍﻭﺭ ﭘﮭﺮ ﭼﺎﮨﻮ ﺗﻮ ﺗﻢ ﭘﮭﺮ ﺳﮯ ﺟﺪﺍ ﮨﻮ ﺟﺎﻧﺎ
ﺗﯿﺮﯼ ﺁﻧﮑﮭﻮﮞ ﻣﯿﮟ ﮐﺴﯽ ﯾﺎﺱ ﮐﺎ ﭘﺎﻧﯽ ﺑﻦ ﮐﺮ
ﺗﯿﺮﯼ ﮨﺴﺘﯽ ﭘﮧ ﻣﺠﮭﮯ ﺁﺝ ﻓﻨﺎ ﮨﻮ ﺟﺎﻧﺎ
ﺣﻮﺻﻠﮧ ﺩﻝ ﻣﯿﮟ ﺭﮨﮯ ،ﭘﯿﺎﺭ ﻧﺒﮭﺎﻧﺎ ﮨﮯ ﮐﭩﮭﻦ
ﭘﯿﺎﺭ ﮨﻮ ﺟﺎﺋﮯ ﺗﻮ ﺩﺷﻤﻦ ﭘﮧ ﻓﺪﺍ ﮨﻮ ﺟﺎﻧﺎ
ﭼﻮﻡ ﻟﻮ ﺁﺝ ﻣﺤﺒﺖ ﺳﮯ ﻣﺮﮮ ﮔﺎﻟﻮﮞ ﮐﻮ
ﻭﻗﺖِ ﺁﺧﺮ ﮨﮯ ﻣﺠﮭﮯ ﺁﺝ ﺟﺪﺍ ﮨﻮ ﺟﺎﻧﺎ
ﻣﯿﺮﮮ ﻣﺤﺒﻮﺏ ﻣﺤﺒﺖ ﻣﯿﮟ ﺳﺪﺍ ﺗﯿﺮﮮ ﻟﺌﮯ
ﺍﭼﮭﺎ ﻟﮕﺘﺎ ﮨﮯ ﻣﺠﮭﮯ ﺩﺳﺖِ ﺩﻋﺎ ﮨﻮ ﺟﺎﻧﺎ
ﺗﺠﮫ ﺳﮯ ﺍﻇﮩﺎﺭِ ﻣﺤﺒﺖ ﮐﺎ ﺳﻠﯿﻘﮧ ﯾﮧ ﮨﮯ
ﮨﻢ ﮐﻮ ﮨﺮ ﺣﺎﻝ ﻣﯿﮟ ﮨﺮ ﻏﻢ ﮐﯽ ﺩﻭﺍ ﮨﻮ ﺟﺎﻧﺎ
ﺷﻮﺥ ﻧﻈﺮﻭﮞ ﺳﮯ ﻭﮦ ﺗﮑﺘﺎ ﮨﮯ ﺑﮩﺎﺭﯾﮟ ﺍﭘﻨﯽ
ﭘﮭﺮ ﺑﮭﯽ ﭼﺎﮨﮯ ﻭﮦ ﻣﺮﯼ ﺑﺎﺩِ ﺻﺒﺎ ﮨﻮ ﺟﺎﻧﺎ
ﻭﮦ ﺟﻮ ﺍﺗﺮﮮ ﮐﺒﮭﯽ ﺩﻝ ﻣﯿﮟ ﺗﺮﮮ ﺧﻮﺷﺒﻮ ﺑﻦ ﮐﺮ
ﻭﺷﻤﮧ ﺍﺱ ﺑﺎﻍِ ﺑﮩﺎﺭﺍﮞ ﮐﯽ ﮨﻮﺍ ﮨﻮ ﺟﺎﻧﺎ
وشمہ خان وشمہ
No comments:
Post a Comment