Ek Bas Tu Hi Nahin Mujh se Khafa Ho Baitha Mainne Jo Sang Taraasha Tha Khuda Ho Baitha

Ek Bas Tu Hi Nahin Mujh se Khafa Ho Baitha
Mainne Jo Sang Taraasha Tha Khuda Ho Baitha

Uth Ke Manzil Hi Agar Aaye To Shaayad Kuchh Ho
Shauq-E-Manzil To Mera Aablaa-Pa Ho Baitha

Maslahat Chhin Li Quwwat-E-Guftaar Magar
Kuchh Na Kahana Hi Mera Meri Khata Ho Baitha
Shukriya Ai Mere Qaatil Ai Maseeha Mere
Zahar Jo Tuu ne Diya Tha Wo Dawa Ho Baitha
Jaan-E-Shahazaad Ko Main-Jumlaa-E-Aada Pa Kar
Huuk Wo Utthi Ki Ji Tan Se Juda Ho Baitha