Huzoor-e-Wala Thodi Masti Ho Gai Tou Kia Howa,Shameem-e-Zulf Shane Opar So Gai Tou Kia Howa

اہل_ذوق کے پیالوں کی نظر 

حضورِ والا تھوڑی مستی
ہو گئی تو کیا ہوا
شمیم_زلف شانے اوپر
سو گئی تو کیا ہوا

سینہء سبو سے رات
اٹھ رہی تھیں ہچکیاں
رندگی افسردگی میں
کھو گئی تو کیا ہوا
وہ ہماری ہم نفس تھی
اس کے استقبال پر
زندگی قالین بن کے
جو گئی تو کیا ہوا
نرم آنکھیں جم چکی تھیں
ہر عضو کے موڑ پہ
بے خودی پھر شرم ساری
دھو گئی تو کیا ہوا
دم شماری کر رہے تھے
چند ضعیف وسوسے
مسکراہٹ ان کے بوجھ
ڈھو گئی تو کیا ہوا
بد دعا کی ناؤ میں
سوار ہوتی خامشی
سب کا بیڑہ فطرتاً
ڈبو گئی تو کیا ہوا
بیگانگی کے باوجود
قلب کے کواڑ میں
کسمسا کے دوستی
سمو گئی تو کیا ہوا
رزب زنانہ محفلیں ہیں
خصلتوں سے ماورا
بانجھ سوچوں میں اگر
نَشو گئی تو کیا ہوا
(رزب تبریز)