Nafas nafas hai bashrat nazar nazar hai pyam Magar qarar yahan bhi nahin wahan bhi nahin

Nafas nafas hai bashrat nazar nazar hai pyam
Magar qarar yahan bhi nahin wahan bhi nahin

Lahu chhidak’te ra’he hum qafas se gulshan tak
Magar bahar yahan bhi nahin wahan bhi nahin

Jissai mazaq e muhabbat ki aabroo kah’ee’ye
Woh aetebar yahan bhi nahin wahan bhi nahin
Zameen pe hen gul o lala falak pe mah’ o najoom
Mera shumar yahan bhi nahin wahan bhi nahin
Qabil Ajmeri.