Tu Rang-B'rangi Roshni, Tra Komal Roop S'roop ‏Tu Chhail-Chhbeli Chhaao'n Hey, Tu Nai-Naveli Dhoop

 سانولی

تُو رنگ برنگی روشنی، ترا کومل رُوپ سرُوپ
تُو چَھیل چھبیلی چھاؤں ھے، تُو نئی نویلی دُھوپ

گُل پُھول، ستارے، تتلیاں، ترے حُسن کے ھیں بہرُوپ
من مَوجی الہڑ پن ترا، حیران کنوارا رُوپ

انسان جُھکیں تعظیم کو، تری جدھر سواری جائے
تُجھے دیکھ فرشتے مست ھوں، خود خُدا بھی واری جائے

ترے بول تِھرَکتی راگنی، ترے گال گُلوں کے تاج
تری آنکھ ستارہ صُبح کا، تری کمر ندی کی لاج

لب سُرخ سجیلی پنکھڑی، ھر باغ پہ تیرا راج
ھر دل ھے تیری سلطنت، تُو کرے وصُول خراج

اُس راہ پہ چمکیں خُوشبوئیں جسے چُھو لے پاؤں ترا
تُو آسمان کی اپسرا اور عرش پہ گاؤں ترا

برپا تھا اک دن باغ میں ترے نَینوں کا دربار
سَو لاکھ رعایا تتلیاں، گُل پُھول غُلام ھزار

مَیں آخر صف میں آخری تھا مست دمِ دیدار
یک لخت ھُوا تری آنکھ کا کجرارا کاری وار

صد شُکر کہ تب سے دل مرا سردار ھے زخموں کا
مرا سینہ سینہ تو نہیں، شہکار ھے زخموں کا

ترے نرم الُوھی حُسن کی سَو سَو آیات دلیل
قُرآن کی کھاتے ھیں قسم، توریت، زبُور، انجیل

تُو ٹھنڈا زم زم نیلگُوں، ترا جسم انوکھی جھیل
تُو آنکھوں سے جب حُکم دے، ھر شخص کرے تعمیل

ترے انگ انگ میں روشنی ان گنت دُعاؤں کی
تُو دیوتاؤں کی لاڈلی، تُو جان خُداؤں کی

اَےمست مدُھر من موھنی ! مُجھے رُوپ کی دے خیرات
اَے پاک سُہانی سوھنی ! ھُوں خُشک، چھڑک برسات

اے من معبد کی راھبہ ! چل تھام لے میرا ھات
ان چُھوئی مُقدّس صاحبہ ! آ لمس کا چرخہ کات

ھم ازل ابد کے گھاٹ پر یُوں عشق میں تر ھوجائیں
تیرے اور میرے نام کے سب حرف امر ھوجائیں

رحمان فارس

‏Tu Rang-B'rangi Roshni, Tra Komal Roop S'roop
‏Tu Chhail-Chhbeli Chhaao'n Hey, Tu Nai-Naveli Dhoop

‏Gul Phool, Sitaarey, Titliyaa'n, Trey Husn Key Hei'n Behroop
‏Man-Moji Alhar-pan Tra, Hairaan Kunwaara Roop

‏Insaan Jhukei'n Taazeem Ko, Tri Jidher Sawaari Jaaey
‏Tujhey Dekh F'rishtey Mast Ho'n, Khud Khuda Bhi Waari Jaaey

‏Trey Bol Thirkati Raagni, Trey Gaal Gulo'n Key Taaj
‏Tri Aankh Sitaara Subh Ka, Tri Kamar Nadi Ki Laaj

‏Lab Surkh-S'jeeli Pankhari, Her Baagh Pey Tera Raaj
‏Her Dil Hey Teri Saltanat, Tu Karey Wasool Kh'raaj

‏Us Raah Ko Chhoo Lei'n Khushbuei'n Jisey Chhoo Ley Paao'n Traa
‏Tu Aasmaan Ki Apsraa Aur Arsh Pey Gaao'n Traa

‏Barpaa Tha Ik Din Baagh Mei'n Trey Naino'n Ka Darbaar
‏Sau Laakh Riaaya Titliyaa'n, Gul-Phool Ghulaam H'zaar

‏Mai'n Aakhir Saf Mei'n Aakhri Tha Mast Dam-e-Deedaar
‏Yak-Lakht Hua Tri Aankh Ka Kajraara Kaari Waar

‏Sad-Shukr K Tab Sey Dil Mraa Sardaar Hey Zakhmo'n Ka
‏Mra Seena Seena To Nahi'n, Shehkaar Hey Zakhmo'n Ka

‏Trey Narm Aloohi Husn Ki So So Aayaat D'leel
‏Qur'aan Ki Khaatey Hei'n Qasam Tauret, Zaboor, Injeel

‏Tu Thanda Zam-Zam Neelgoo'n, Tra Jism Anokhi Jheel
‏Tu Aankho'n Sey Jab Hukm Dey, Her Shakhs Karey Taameel

‏Trey Ang Ang Mei'n Roshni An-Ginat Duaao'n Ki
‏Tu Devtaao'n Ki Laadli, Tu Jaan Khudaao'n Ki

‏Aey Mast-Madhur Man-Mohni ! Mujhey Roop Ki Dey Kheraat
‏Aey Paak Suhaani Sohni ! Hu'n Khushk, Chhirak Barsaat

‏Aey Man-Maabad Ki Raahiba ! Chal Thaam Ley Mera Haath
‏An-Chhui Muqaddis Saahiba ! Aa Lams Ka Charkha Kaat

‏Ham Azal Abad Key Ghaat Per Yu'n Ishq Mei'n Tar Ho Jaaei'n
‏Terey Aur Merey Naam Key Sab Harf Amar Ho Jaaei'n

‏Rehman Faris