Hairan Hon Keh Ye Konsa Dastor Hai

حیراں ھوں کہ یہ کونسا دستورِ وفا ھے
تُو مثلِ رگِ جاں ھے تو کیوں مجھ سے خفا ھے
تُو اہلِ نظر ھے تو نہیں تجھ کو خبر، کیوں
پہلو میں تیرے کوئی زمانے سے کھڑا ھے
لکھا ھے میرا نام، پانی پہ ھوا پہ
دونوں ھی کی فطرت میں، سکوں ھے، نہ وفا ھے
شکوہ نہیں مجھ کو، کہ ھوں محرومِ تمنّا
غم ھے تو فقط اتنا کہ ۔۔۔۔۔۔۔۔ تُو دیکھ رہا ھے
ہم رکھتے ھیں دعویٰ کہ ھے قابو ہمیں دل پر
تُو سامنے آ جائے تو، یہ بات جدا ھے