Agar Bazm-e-Insaan mein Aurat na hoti khayaalon ki rangeen jannat na hoti

Agar Bazm-e-Insaan mein Aurat na hoti
khayaalon ki rangeen jannat na hoti

Sitaaron ke Dilkash Fasaane na hote
Bahaaron ki naazuk haqeeqat na hoti

Jabeenon pe Noor-e-Masarrat na hota
Nigaahon mein Shaan-e-marrawwat na hoti

Ghataaon ki Aamad ko Saawan taraste
Fizaaon mein Behki Baghaawat na hoti

Faqeeron ko Irfaan-e-Hasti na milti
Ataa Zahidon ko ibaadat na hoti

Musaafir sadaa manzilon par bhatakte
Safeenon ko saahil ki qurbat na hoti

Har ik phool ka rang pheeka sa hota
Naseem-e-bahaaraan mein nikhat na hoti

Khudaayi ka Insaaf Khaamosh rehta
Sunaa hai kisi ki shifa'at na hoti