Kya Btaaun K Asghar Pe Likhtey Hue Waqt Kaisa Kataa Kyun Nazar Khoon Hui, Kya Ragein Chir Gaieen, Kab Kalejaa Kataa

کیا بتاؤں کہ اصغر پہ لکھتے ھُوئے وقت کیسا کٹا
کیوں نظر خُوں ھُوئی، کیا رگیں چِر گئیں، کب کلیجہ کٹا

سوچیے کتنا مُنّا سا ھوتا ھے چھ ماہ کا شیر خوار
ایک ھی تیر سے چہرہ چھلنی ھُوا اور سینہ کٹا

کُوفیوں سے کہو بی بی زینب کے دل سے کبھی پوچھ لیں
کیسے لختِ جگر کے بِنا عُمر کا لمحہ لمحہ کٹا
عرش پر خود خُدائے مُحمد کی آنکھیں بھی نم ھوگئیں
شاہ کی گود میں جب بِلکتا ھوا شاھزادہ کٹا
جیسے قُرآن کی سب سے چھوٹی صدا یعنی کوثر تھمی
اور غلافِ حرم پاک کا ایک ننھا سا ٹکڑا کٹا
حُرملہ ! تیرے حملے سے پہلے وہ گُل پیاس کے تیر سے
لحظہ لحظہ چِھلا، ھولے ھولے چِھدا، تھوڑا تھوڑا کٹا
اُن بہتَّر میں فارس اکہتر کا غم تو ھے اپنی جگہ
لیکن اُس شام کٹ جانے والوں میں جو سب سے چھوٹا کٹا
رحمان فارس

Kya Btaaun K Asghar Pe Likhtey Hue Waqt Kaisa Kataa
Kyun Nazar Khoon Hui, Kya Ragein Chir Gaieen, Kab Kalejaa Kataa
Sochiey Kitna Munna Sa Hota Hai Chhay Maah Ka Sheer-Khwaar
Aik Hi Teer Se Chehra Chhalni Hua Aur Glaa Chhid Gaya Aur Seena Kataa
Koofiyon Se Kaho Bibi Zenab K Dil Se Kabhi Poochh Lein
Kaise Lakht-e-Jigar Ke Bina Umr Ka Lamha Lamha Kataa
Arsh Par Khud Khuda-e-Muhammad Ki Aankhein Bhi Nam Ho Gaein
Shaah Ki Guod Mein Jab Bilakta Hua Shaahzaada Kataa
Jaisey Quraan Ki Sab Se Chhoti Sadaa Yaani Kosar Thmee
Aur Ghilaaf-e-Haram-Paak Ka Aik Nannha Sa Tukra Kataa
Hurmlaa ! Tere Hamley Se Pehle Wo Gul Pyaas K Teer Se
Lehza Lehza Chhila, Holey Holey Chhida, Thora Thora Kataa
Un Bahattar Mein Faris Ikahttar Ka Gham To Hai Apni Jagah
Lekin Us Shaam Kat Jaaney Waalon Mein Jo Sab Se Chhota Kataa
Rehman Faris