Jaga Saky Na Tere Lab Lakeer Aisi Thi Humare Bakht Ki Rekha Bhi MEER Aisi Thi

جگا سکے نہ ترے لب لکیر ایسی تھی
ہمارے بخت کی ریکھا بھی میرؔ ایسی تھی
Jaga Saky Na Tere Lab Lakeer Aisi Thi

Humare Bakht Ki Rekha Bhi MEER Aisi Thi

یہ ہاتھ چومے گئے پھر بھی بے گلاب رہے
جو رت بھی آئی خزاں کی سفیر ایسی تھی
Ye Haath Chomay Gaye Phir Bhi Be-Gulaab Rahay

Jo Rut Bhi Aai Khizaan Ki Safeer Aisi Thi

وہ میرے پاؤں کو چھونے جھکا تھا جس لمحے
جو مانگتا اسے دیتی امیر ایسی تھی
Woh Mere Pavn Ko Chhonay Jhuka Tha Jis Lamhay

Jo Mangta Ussay Deti Ameer Aisi Thi

شہادتیں مرے حق میں تمام جاتی تھیں
مگر خموش تھے منصف نظیر ایسی تھی
Shahadatein Mere Haq Mein Tamaam Jati Thein

Magar Khamosh Thay Munsif Nazeer Aisi Thi

کتر کے جال بھی صیاد کی رضا کے بغیر
تمام عمر نہ اڑتی اسیر ایسی تھی
Kutar Ke Jaal Bhi Sayyad Ki Raza Ke Baghair

Tamaam Umar Na Udti Aaseer Aisi Thi

پھر اس کے بعد نہ دیکھے وصال کے موسم
جدائیوں کی گھڑی چشم گیر ایسی تھی
Phir Uss Ke Baad Na Dekhay Wisaal Ke Mousam

Judaiyon Ki Ghadi Chishm-Geer Aisi Thi

بس اک نگاہ مجھے دیکھتا چلا جاتا
اس آدمی کی محبت فقیر ایسی تھی
Bas Ik Nigaah Mujhe Dekhta Chala Jata

Uss Aadmi Ki Muhabbat Faqeer Aisi Thi

ردا کے ساتھ لٹیرے کو زاد رہ بھی دیا
تری فراخ دلی میرے ویر ایسی تھی
Rida Ke Saath Lutere Ko Zaad e Raah Bhi Diya

Teri Farakh-Dili Mere Weer Aisi Thi

کبھی نہ چاہنے والوں کا خوں بہا مانگا
نگار شہر سخن بے ضمیر ایسی تھی
Kabhi Na Chahnay Walo Ka Khoon Baha Manga

Nigaar e Shehar Be-Zameer Aisi Thi

پروین شاکر
Parveen Shakir