Tere Ird Gird Woh Shor Tha Meri Baat Beech Mein Reh Gai

تیرے اِرد گِرد وہ شور تھا
مِری بات بیچ میں رہ گئی
نہ میں کہہ سکا
نہ تُو سن سکا
مِری بات بیچ میں رہ گئی

میرے دل کو درد سے بھر گیا۔۔
مجھے بے یقین سا کر گیا۔۔
تیرا اپنی بات پہ نہ ماننا۔۔
ترا بات بات پہ ٹوکنا ۔۔
مِری بات بیچ میں ہی رہ گئی

وہ جو خواب تھے مِرے سامنے،
جو سراب تھے مِرے سامنے
میں انہی میں ایسے الجھ گیا،
مِرا سارا وقت نکل گیا
مِری بات بیچ میں ہی رہ گئی

مجھے وہم تھا تِرے سامنے
نہیں کھل سکے گی زباں مِری
سو حقیقتاً بھی وہی ہُوا

مِری بات بیچ میں ہی رہ گئی
مِری بات بیچ میں ہی رہ گئی