Baqadar Lafz o Ma'ani Fikrat Ahram Gareban Hain Wagarna Kijiye Jo Zara Uryaan Hum Numayaan Hain

بقدر لفظ و معنی فکرت احرام گریباں ہیں
وگر نہ کیجیے جو ذرہ عریاں ہم نمایاں ہیں

Baqadar Lafz o Ma'ani Fikrat Ahram Gareban Hain

Wagarna Kijiye Jo Zara Uryaan Hum Numayaan Hain

 

عروج نشہ واماندگی پیمانہ محمل تر
برنگ ریشہ تاک آبلے جاوے میں پنہاں ہیں

 Urooj Nasha o Amandgi Paimana Mahmal Tar

Barang Raisha Taak Aablay Jawey Main Penhaan Hain

بہ وحشت گاہ امکاں اتفاق چشم مشکل ہے
مہ و خرشید باہم ساز یک خواب پریشاں ہیں
 Ba-Wehshat Gaah Imkaan Ittefaq Chishm Mushkil Hai
Maah o Khursheed Baham Saaz Yak Khuwaab Pareshaan Hain

طلسم آفرینش حلقہ یک بزم ماتم ہے
زمانے کے شب یلداسے موے سر پریشاں ہیں
Talasam Aafreenash Halqa Yak Bazm Matam Hai
Zamane Ke Shab Yalda Se Mowey Sar Pareshan Hain

یہ کس بے مہر کی تمثال کا ہے جلوہ سیمابی
کہ مثل ذرہ ہاے خاک آئینے پر افشاں ہیں
Ye Kis Be-Mehr Ki Tamsaal Ka Hai Jalwa e Seemabi
Keh Misl e Zarra Haai Khaak Aainey Par Afshaan Hain

نہ انشا معنی مضموں نہ املا صورت موزوں
عنایت نامہ ہاے اہل دنیا ہر زہ عنواں ہیں
Na Insha Ma'ani Mazmoon Na Imla Soorat Mozoun
Inayat Nama Haai Ahl e Dunya Har Zah Inwaan Hain

مگر آتش ہمارا کوکب اقبال چمکاوے
وگر نہ مثل خار خشک مردود گلستاں ہیں
Magar Aatish Humara Kokab e Iqbal Chamkawey
Wagarna Misl e Khaar Khushk Mardood Gulistan Hain

اسدؔ بزم تماشا میں تغافل پردہ داری ہے
اگر ڈھانپے تو آنکھیں ڈھانپ ہم تصویر عریاں ہیں
ASAD Bazm e Tamasha Mein Taghafal Parda-Dari Hai
Agar Dhanpay Tou Aankhen Dhanp Hum Tasweer e Uryaan Hain

مرزا غالب

Mirza Ghalib