کوئی تتلی ہے نہ جگنو آہ شامِ بیکسی
آج دل میں نسترن کی شاخ پھر چبھنے لگی
Koi Titli Hai Na Jugno Aah Sham e Bekasi
Aaj Dil Mein Nastran Ki Shakh Phir Chubne Lagi
تونے کیا توڑا گلستاں سے وفا کا ایک پھول
ہر کلی ہے غیر محرم ہر شگوفہ اجنبی
Tu Ne Kia Toda Gulistan Se Wafa Ka Aik Phool
Har Kali Hai Ghair Muhrim Har Shagofa Ajnabi
بے ارادہ چل رہا ہوں زندگی کی راہ پر
میرے مسلک میں نہیں ہے کاروبارِ رہبری
Be-Iradah Chal Raha Hoon Zindagi Ki Rah Par
Mere Maslak Mein Nahi Hai Karobar e Rehbari
جس میں کچھ انسان کی توقیر کے احکام تھے
وہ شریعت معبدوں کے زیرِ سایہ سوگئی
Jis Mein Kuch Insan Ki Touqeer Ke Ahkam Thay
Woh Shareeat Masjidon Ke Zer e Saya So Gai
آگئیں بازار میں بکنے خدا کی عظمتیں
جی اٹھی ہیں خواہشیں اور مرگیا ہے آدمی
Aa Gaein Bazar Mein Bikne Khuda Ki Azmatein
Jee Uthi Hein Khuwahishein Aur Mar Gaya Hai Aadmi
میں شعاعوں میں پگھل جاؤں مری فطرت نہیں
وہ ستارہ ہوں کہ جس کو ڈھونڈتی ہے روشنی
Main Shua'aoun Mein Pighal Jaoun Meri Fitrat Nahi
Woh Sitara Hoon Keh Jis Ko Dhoondti Hai Roshni
اور کتنی دور ہیں ساغر عدم کی منزلیں
زندگی سے پوچھ لوں گا راستے میں گر ملی
Aur Kitni Door Hein SAGHAR Adam Ki Manzilein
Zindagi Se Pooch Loonga Rastay Mein Gar Mili
ساغر صدیقی
Saghar Siddiqui
No comments:
Post a Comment