ہر درد پہن لینا ہر خواب میں کھو جانا
کیا اپنی طبیعت ہے ہر شخص کا ہو جانا
Har Dard Pehan Laina Har Khuwaab Mein Kho Jana
Kia Apni Tabeeyat Hai Har Shakhs Ka Ho Jana
اک شہر بسا لینا بچھڑے ہوئے لوگوں کا
پھر شب کے جزیرے میں دل تھام کے سو جانا
Ik Shehar Basa Laina Bichday Hoe Logo Ka
Phir Shab Ke Jazeere Mein Dil Tham Ke So Jana
موضوع سخن کچھ ہو تا دیر اسے تکنا
ہر لفظ پہ رک جانا ہر بات پہ کھو جانا
Mouzo Sukhan Kuch Ho Ta Der Usay Takna
Har Lafz Peh Ruk Jana Har Baat Peh Kho Jana
آنا تو بکھر جانا سانسوں میں مہک بن کر
جانا تو کلیجے میں کانٹے سے چبھو جانا
Ana Tou Bikhar Jana Sanson Mein Mehik Ban Kar
Jana Tou Kalejay Mein Kantay Se Chabho Jana
جاتے ہوئے چپ رہنا ان بولتی آنکھوں کا
خاموش تکلم سے پلکوں کو بھگو جانا
Jate Hoe Chup Rehna In Bolti Aankhon Ka
Khamosh Takalum Se Palkon Ko Bhago Jana
لفظوں میں اتر آنا ان پھول سے ہونٹوں کا
اک لمس کی خوشبو کا پوروں میں سمو جانا
Lafzon Mein Utar Aana In Phool Se Honton Ka
Ik Lams Ki Khushbo Ka Poron Mein Samo Jana
ہر شام عزائم کے کچھ محل بنا لینا
ہر صبح ارادوں کی دہلیز پہ سو جانا
Har Sham Aazam Ke Kuch Mahal Bana Laina
Har Subah Iradon Ki Dahleez Pe So Jana
اعتبار ساجد
Aitbar Sajid
No comments:
Post a Comment