Mousam Bhi Nahi Badla , Manzar Bhi Nahi Badla Us Shehar Ko Jane Ka , Rasta Bhi Nahi Badla

موسم بھی نہیں بدلا ، منظر بھی نہیں بدلا
اس شہر کو جانے کا ، رستہ بھی نہیں بدلا
کشتی بھی نہیں بدلی ، دریا بھی نہیں بدلا
ھم ڈوبنے والوں کا ، جذبہ بھی نہیں بدلا
تم چھوڑ گئے جیسے ، سب ویسا ھی رکھا ھے
بستر کی وھی چادر ، تکیہ بھی نہیں بدلا
ھاں ، اب بھی بیٹھے ھیں ، دیوار سے لگ کے ھم
گلیاں بھی وھی اپنی ، کوچہ بھی نہیں بدلا
تصویر نہیں بدلی ، شیشہ بھی نہیں بدلا
نظریں بھی سلامت ہیں ، چہرہ بھی نہیں بدلا
تم کچھ تو نباہ دیتے ، آخر کو محبت تھی
ھم نے تو عقیدت میں ، لہجہ بھی نہیں بدلا.
بے کار گیا بن میں ، سونا میرا صدیوں کا
اس شہر میں تو  اب تک ، سکہ بھی نہیں بدلا
ھے شوق سفر ایسا ، اِک عمر سے یاروں نے
منزل بھی نہیں پائی ، رستہ بھی نہیں بدلا
غلام محمّد قاصر