ملے گی شیخ کو جنت، ہمیں دوزخ عطا ہوگا
بس اتنی بات ہے جس کے لیے محشر بپا ہوگا
Mily Gi Shaikh Ko Janat , Humain Dozakh Aata Hoga
Bas Itni Baat Hai Jis Ke Liye Mahshar Bapa Hoga
رہے دو دو فرشتے ساتھ اب انصاف کیا ہوگا
کسی نے کچھ لکھا ہوگا کسی نے کچھ لکھا ہوگا
Rahe Do Do Fareshty Saath Ab Insaf Kia Hoga
Kisi Ne Kuch Lekha Hoga Kisi Ne Kuch Lekha Hoga
بروز حشر حاکم قادر مطلق خدا ہوگا
فرشتوں کے لکھے اور شیخ کی باتوں سے کیا ہوگا
Baroz e Hashar Hakim Qadar Mutlaq Khuda Hoga
Fareshton Ke Lekhay Aur Shaikh Ki Baton Se Kia Hoga
تری دنیا میں صبر و شکر سے ہم نے بسر کر لی
تری دنیا سے بڑھ کر بھی ترے دوزخ میں کیا ہوگا
Teri Dunya Mein Sabar o Shukar Se Hum Ne Basar Kar Li
Teri Dunya Se Barh Kar Bhi Tere Dozakh Mein Kia Hoga
سکون مستقل دل بے تمنا شیخ کی صحبت
یہ جنت ہے تو اس جنت سے دوزخ کیا برا ہوگا
Sukoon Mustaqil Dil Hai Tamanna Shaikh Ki Suhbat
Yeh Janat Hai Tou Is Janat Se Tere Dozakh Mein Kia Hoga
مرے اشعار پر خاموش ہے جز بز نہیں ہوتا
یہ واعظ واعظوں میں کچھ حقیقت آشنا ہوگا
Mere Asha'ar Par Khamosh Hai Juz Buz Nahi Hota
Yeh Wa'aiz Wa'aizon Mein Kuch Haqeeqat Aashna Hoga
بھروسہ کس قدر ہے تجھ کو اخترؔ اس کی رحمت پر
اگر وہ شیخ صاحب کا خدا نکلا تو کیا ہوگا
Bharosa Kis Qadar Hai Tujh Ko AKHTAR Uski Rehmat Par
Agar Woh Shaikh Sahib Ka Khuda Nikla Tou Kia Hoga
ہری چند اختر
Hari Chand Akhtar
No comments:
Post a Comment