Kabhi chah ki kami se kabhi dil ki bedili se
Mujhe wasta hai aksar meri ankh ki nami se
Gaiy shab ki kia kahoon main ke qarar hi nahi tha
Ajab bekali thi chhaiy kisi shakhs ki kami se
Mujhe ranj o gham musalsal, mera dard dard e paiham
Koi charah gar se keh de mujhe kia gharz khushi se
Mere chak chak damaan, mere pa’on mein hain chhale
Main azal ka hoon musafir mujhe kia gharz kisi se
Mujhe doston ne loota, mujhe rehbaron ne becha
Mujhe kia gila ho rehzan teri aik rehzani se
Qaiser Jameel Nadvi
No comments:
Post a Comment