.jpg)
منزل وہ جُھوٹ پر کھڑی مِسمار ہو گئی
تسلیم کر لو دوست تمہیں ہار ہو گئی
رنگ مقتلوں سے خون کا اب تک نہیں گیا
نفرت نیٔے لہو کی طلَب گار ہو گئی
آبِ حیات پی کے اُٹھایا ہی تھا قدم
چلنے کو ساتھ موت بھی تیّار ہو گئی
روۓ زمیں پہ اب نئی مخلوق کو بسا
آدم کی نسل اے خُدا بیمار ہو گئی
ہم ہی تھے زندگی کی علامت زمین پر
ہم سے ہی زیست برسرِ. پیکار ہو گئی
اچھا تو سُنو یہ ہے محبت کا خلاصہ
تم سے بچھڑ کے زندگی بے کار ہو گئی
ہم نے تب انکسار میں سر کو جُھکا دیا
اونچی ہمارے قد سے جو گُفتار ہو گئی
چہرے َعزیز آۓ نظر جب اُفق کے پار
پِیری میں تیز عُمر کی رفتار ہو گئی
ارشد دعا کو ہاتھ اُٹھاتا ہوں شرمسار
جنّت کی آرزو بھی تو بیوپار ہو گئی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment