Sar e Maikhana Koi Paarsa Ab Tak Nahi Aaya Humain Peeny Pilany Ka Maza Ab Tak Nahi Aaya

سرِ  مَیخانہ  کوئی  پارسا اب تک نہیں آیا
ھمیں  پِینے  پِلانـے  کا مزا اب تک نہیں آیا
کِیّا وَعدہ، مگــر وہ بـےوفا اب تک نہیں آیا
خُدا مَعلوم کب تک آئے گا، اب تک نہیں آیا
فَلک کی گردشیں حَیراں ھیں اُس کی بـے مِثالی پر
کوئی  ایســـا  سِتمگر  دُوسرا اب تک نہیں آیا
شَباب آیا، حِجاب آیا، ادائیں آ گئیں اُن کو
نہیں  آیا  تو  اندازِ  وَفا  اب  تک  نہیں آیا
نِگاھیں اُن کی اُنھیں، گُھوم پِھر کر غَیر تک پُہنچیں
مری  جانب  کــــــوئی  تیـرِ  قَضا  اب  تک  نہیں  آیا
تمھِیں اے ھم نَشینو ! نامہ بر کی کُچھ خَبر لاؤ
ذرا  پِھر  دیکھ  لو یـے  کیا کہا، اب تک نہیں آیا
ھزاروں کو ھے دعوٰی ناخُدائی کا، مگر ھم کو
نظر  کوئی  بھی  ساحِل آشنا اب تک نہیں آیا
پیر نصیر الدین