تَن مَن میں جو بسی ہے محبّت ہے آپ کی
طُول و عرض پہ دِل کے حکومت ہے آپ کی
جیتا ہے کوئی آپ کے وعدوں پہ سوچئے
مانا کہ بُھول جانے کی عادت ہے آپ کی
مِلتی ہے جو فراق میں لذّتِ نہ پُوچھیے
دیتے ہیں جو بھی درد عِنایت ہے آپ کی
سوچا ہے انتظار میں کاٹیں تمام عُمر
یہ زندگی تو یوں بھی امانت ہے آپ کی
ملزم ہیں پر صفائی میں ہم اپنی کیا کہیں
قاضی، گواہ، وکیل. عدالت ہے آپ کی
میری نظر سی غیر کو توفیق بھی کہاں
جس سمت دیکھیے وہیں صورت ہے آپ کی
اِک عُمر بھر کا روگ ہے ارشد کے واسطے
یہ جُھوٹے پیار کی جو شرارت ہے آپ کی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment