Wisal o Hijar Ke Baham Jo Faisly Hote

قربتیں اور فاصلے
وِصال و ہِجر کے باہم جو فیصلے ہوتے
بہت سے عِشق میں آسان مرحلے ہوتے
بعِید اتنی بھی ہوتیں نہ منزلیں جاناں
قدَم ملا کے کبھی دو قدَم چلے ہوتے
بِچھڑ کے آج یہ احساس ہو گیا ہم کو
کہ کاش پہلے کبھی ہم نہیں مِلے ہوتے
یہی بہت تھا تُجھے دُور دُور سے مِلتے
قریب آ کے بھی گر اِتنے فاصلے ہوتے
ہمارے ساتھ نہ ہوتیں یہ وحشتیں ارشد
جُدائیوں کے اگر ہم. میں حوصلے ہوتے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania