Jalwa e ru e Nabi matla e anwaar e hayat Jumbish e ghuncha e lab, khutba e kirdar e hayat

جلوۂ رُوئے نبیؐ، مطلعء انوارِ حیات
جُنبشِ غنچۂ لب، خُطبۂ کردارِ حیات

تِری تخلیق کو مانا گیا شہکارِ حیات
نُور تیراؐ ہی رہا طُرّۂ دستارِ حیات

یہ شرف کم ہے کہ شامل ہیں تِری اُمّت میں
ورنہ ہم جیسے سِیہ کار سزاوارِ حیات

تِرےؐ ہی نُور سے روشن ہوئے افلاک و زمیں
رونما ہو گئے ہر گوشے میں آثارِ حیات

سیرتِ سیّدِ عالمؐ نے وہ بخشی رِفعت
اوج در اوج اُبھرتا گیا معیارِ حیات

یا نبیؐ، تیرے ہی صدقے میں ہے دُنیا قائم
سچ تو یہ ہے کہ تِری ذات ہے مختارِ حیات

سَرد مہری کے سِوا خَلق میں کچھ اور نہ تھا
تیرےؐ آنے سے بڑھی گرمئ بازارِ حیات

حشر ہے تیری شفاعت کا اُمڈتا دریا
موت ہے ایک حقیقت پسِ دیوارِ حیات

جب تک آئے نہ قدم تیرے شہنشاہِؐ عرب
فصلِ گُل سے نہ شناسا ہُوا گُلزارِ حیات

اِک تِرےؐ عِشق میں مُضمر ہے حیاتِ ابدی
اِک تِرےؐ نام پہ مَرتے ہیں طلبگارِ حیات

مَیں بھی تو ایک مسافر ہُوں سرِ راہِ طلب
اک نظر مُجھ پہ بھی اے قافلہ سالارِ حیات

تیرےؐ جلووں پہ ہے قرباں یہ نصِیرِؔ شیدا
تُو ہے کونین میں آئینۂ اسرِار حیات
پیر سیّد نصِیرالدّین نصِیرؔ شاہ گیلانی

Jalwa e ru e Nabi matla e anwaar e hayat
Jumbish e ghuncha e lab, khutba e kirdar e hayat

Teri takhleeq ko mana gaya shahkar e hayat
Noor Tera hi raha turra e dastoor e hayat

Ye sharf kam hai ke shamil hain Teri ummat mein
Warna hum jaise siyah kaar sazawar e hayat

Tere hi noor se raushan huay aflak o zameen
Runuma ho gaye har goshe mein asaar e hayat

Seerat e Syed e aalam ne wo bakhshi riffat
Oaj dar oaj ubherta gaya mayar e hayat

Ya Nabi, Tere hi sadqe mein hai duniya qa’im
Sach to ye hai ke Teri zat hai Mukhtar e hayat

Sard mohri ke siwa khalq mein kuch aur na tha
Tere anay se badhi garmi e bazar e hayat

Hashr hai Teri shifa’at ka umadta dariya
Maut hai aik haqeeqat pas e deevar e hayat

Jab tak aye na qadam Tere Shehenshah e Arab
Fasl e gul se na shanasa hua gulzar e hayat

Ek Tere ishq mein muzmir hai hayat e abadi
Ek Tere Naam pe marte hain talabgar e hayat

Main bhi to aik musafir hoon sar e raah e talab
Ek nazar mujh pe bhi ay qafla Salar e hayat

Tere jalwon pe hai qurban ye Naseer e shaida
Tu hai kaunain mein Aiyna e asrar e hayat
Peer Syed Naseeruddin Naseer Shah Gilani