Yun Dil Ko Har Ik Shakhs Peh Wara Nahi Karte

یوں دل کو ہر اک شخص پہ وارا نہیں کرتے
آنکھوں میں ہر اک عکس اتارا نہیں کرتے
ہونی ہے تو اک بار ہی ہو جائے محبت
یہ بھول ہے ایسی کہ دوبارہ نہیں کرتے
اچھا ہوا میں نے ہی فقط دیکھا مگر یوں
محفل میں کسی کو بھی اشارہ نہیں کرتے
مل جائے سر راہ جو بچھڑا ہوا کوئی
چپ چاپ ہی تکتے ہیں پکارا نہیں کرتے
کیوں پیار کی بازی سے ہوا اس درجہ گریزاں
کہتے ہیں کہ بادل ہار کے ہارا نہیں کرتے
کاجل سے بھی اب کام کوئی لے نا سہیلی
یوں درد سے آنکھوں کو سنوارا نہیں کرتے
فاخرہ بتول