ایک ہی عشق تو ہر بار نہیں کر سکتے
دل کو پھر واقفِ آزار نہیں کر سکتے
Aik hi ishq to har baar nahi kar sakte
Dil ko phir waqif e azaar nahi kar sakte
یوں تو ہم بھی ہیں طلبگارِ توجہ لیکن
مانگ سکتے نہیں، اِصرار نہیں کر سکتے
Youn to hum bhi hain talabgar e tawajju lekin
Mang sakte nahi israr nahi kar sakte
اس کو چھونے کی اجازت بھی نہیں ہے یعنی
دیکھ سکتے ہیں مگر پیار نہیں کر سکتے
Us ko chhune ki ijazat bhi nahi hai yani
Dekh sakte hain magar pyar nahi kar sakte
کیا اذیت ہے یہ اِک طرفہ محبت بھی کہ ہم
لاکھ چاہیں بھی تو اِظہار نہیں کر سکتے
Kia azziyat hai ye ek tarfa muhabbat bhi ke hum
Lakh chahen bhi to izhar nahi kar sakte
خواہشیں جیسے کوئی گہرا سمندر ہے حِنا
ڈوب سکتے ہیں مگر پار نہیں کر سکتے
Khwahishen jaise koi gehra samundar hai Hina
Doob sakte hain magar paar nahi kar sakte
کتنا دشوار ہوا جاتا ہے سانسوں کا سفر
اور ہم راستہ ہموار نہیں کر سکتے
Kitna dushwar hua jata hai sanson ka safar
Aur hum raasta humwar nahi kar sakte
دوست، کردار ہے پر باعثِ توقیرِ جہاں
ہم فقط حسن کو معیار نہیں کر سکتے
Dost, kirdar hai par ba’is e tauqeer e jahan
Hum faqat husn ko mayar nahi kar sakte
حِناکوثر
Hina Kauser
No comments:
Post a Comment