آسیب سا جیسے مرے اعصاب سے نکلا
یہ کون دبے پاؤں مرے خواب سے نکلا
جب جال مچھیرے نے سمیٹا ہے علی الصبح
ٹوٹا ہوا اک چاند بھی تالاب سے نکلا
سینے میں دبی چیخ بدن توڑ کے نکلی
یادوں کا دھواں روح کی محراب سے نکلا
مٹھی میں چھپائے ہوئے کچھ عکس، کئی راز
میں اس کی کہانی کے ہر اک باب سے نکلا
آواز مجھے دینے لگی تھی مری مٹی
میں خود کو سمیٹے ہوئے مہتاب سے نکلا
کچھ تہمت و دشنام، شکایات و سوالات
کیا کچھ نہ میاں حلقۂ احباب سے نکلا
Aseb sa jaise mere asab se nikla
Ye kaun dabe pa’on mere khwab se nikla
Jab jaal machhere ne sameta hai alisubh
Toota hua ek chaand bhi talab se nikla
Seene mein dabi cheekh badan tod ke nikli
Yadon ka dhuwan rooh ki mehrab se nikla
Mutthi mein chhupaye huay kuch aks, kaiy raz
Main us ki kahani ke har ek bab se nikla
Awaz mujhe dene lagi thi meri mitti
Main khud ko samete huay mehtab se nikla
Kuch tuhmat o dushnam, shikayat o sawalat
Kia kuch na miyan halqa e ehbab se nikla
No comments:
Post a Comment