دشت میں دوڑتے، آہو کی طرح ہوتا ہے
عشق آغاز میں خوشبو کی طرح ہوتا ہے
جس پہ چلتا ہے اسے مار کے رکھ دیتا ہے
حُسن کا وار بھی جادو کی طرح ہوتا ہے
دن کے اوقات میں نعمت ہے ترا دھیان مجھے
رات پڑتی ہے تو جگنو کی طرح ہوتا ہے
ان نگاہوں میں کبھی ڈوب کے دیکھا جائے
جن کا ہر تیر ترازو کی طرح ہوتا ہے
اشک پیتے ہوئے یاد آیا ترا لمس مجھے
اُس کا بھی ذائقہ آنسو کی طرح ہوتا ہے
صغیر انور
No comments:
Post a Comment