Kia Pochte Ho , Zeest Mein Kia Tajruba Raha Woh Dod Hi Nahi Thi Jo Main Dodta Raha

کیا پوچھتے ہو، زیست میں کیا تَجْربَہ رہا
وہ دوڑ ہی نہیں تھی جو میں دوڑتا رہا

وہ لفظ کیا تھے، کس نے کہے تھے، خبر نہیں
بس اِتنا یاد ہے کہ مرا دل دُکھا رہا

حسرت کہ آج بھی نہ تجھے دیکھ پایا مَیں
قسمت کہ میرا آج کا دن بھی بُرا رہا

ہمت تو کر نہ پایا اُسے کچھ بھی کہنے کی
پر اُس کے بعد خود کو جو میں کوستا رہا

ہر چند روک پایا نہیں پر اُسے شفیق
جب تک وہ موڑ مڑ نہ گیا دیکھتا رہا