رکھتا ہے اپنے ساتھ گناہوں کا بار دل
اجلے سے میرے سینے میں ہے داغدار دل
Rakhta hai apne sath gunahon ka baar dil
Ujle se mere seene mein hai daghdar dil
تقویٰ سے گر بھرا ہو تو پھر نیکیوں کی سمت
اس طرح دوڑتا ہے کہ ہو شہسوار دل
Taqwa se gar bhara ho to phir nekiyon ki simt
Is tarah daudta hai ke ho shehsawar dil
ہیں آج سب کے سینوں میں پتھر رکھے ہوئے
برسائے آسمان سے پروردگار دل
Hain aj sab ke seenon mein patthar rakhe huay
Barsaye asman se Parwardigar dil
کب تک تو اس کی یاد کو رکھے گا اوڑھ کر
پھٹنے لگی ہے اب تو قبا یہ اتار دل
Kab tak tu us ki yad ko rakhe ga odh kar
Phatne lagi hai ab to qaba ye utar dil
کانٹوں سے غم کے اس کو چھڑانے کے واسطے
کھینچا جو میں نے اور ہوا تار تار دل
Kanton se gham ke is ko chhudane ke waste
Khhencha jo main ne aur hua taar taar dil
ہر بات پر ہے میرا یہ دشمن بنا ہوا
سینے میں چبھتا رہتا ہے مانند خار دل
Har bat par hai mera ye dushman bana hua
Seene mein chubhta rehta hai manind e khar dil
No comments:
Post a Comment