ہم اگر تیرے خدوخال بنانے لگ جائیں
صرف آنکھوں پہ کئی ایک زمانے لگ جائیں
Hum agar tere khad o khal banane lag jayen
Sirf ankhon pe kaiy aik zamane lag jayen
میں اگر پھول کی پتی پہ ترا نام لکھوں
تتلیاں اُڑ کے ترے نام پہ آنے لگ جائیں
Main agar phool ki patti pe tera naam likhoon
Titliyon ud ke tere naam pe anay lag jayen
تو اگر ایک جھلک اپنی دکھا دے اُن کو
سب مصور تری تصویر بنانے لگ جائیں
Tu agar aik jhalak apni dikhha de un ko
Sab musavvir teri tasveer banane lag jayen
ایک لمحے کو اگر تیرا تبسم دیکھیں
ہوش والوں کے سبھی ہوش ٹھکانے لگ جائیں
Aik lamhe ko agar tera tabassum dekhen
Hosh walon ke sabhi hosh thikane lag jayen
یہ عبادت ہے، عبادت ہے، عبادت ہے کہ ہم
دل کی آواز میں آواز ملانے لگ جائیں
Ye ibadat hai, ibadat hai, ibadat hai ke hum
Dil ki awaz mein awaz milane lag jayen
آنکھ سے خون بہانے کی مشقت کر کے
کیوں غمِ ہجر کی توقیر بڑھانے لگ جائیں
Ankh se khoon bahane ki mushaqqat kar ke
Kyun gham e hijr ki tauqeer badhane lag jayen
ہم اگر وجد میں آئیں تو زمانے کو سعید
کبھی غزلیں تو کبھی خواب سنانے لگ جائیں
Hum agar wajd mein ayen to zamane ko Saeed
Kabhi ghazlen to kabhi khwab sunane kag jayen
مبشر سعید
Mubashir Saeed
No comments:
Post a Comment