Ishq kar baitha hoon, rahat nahi milne wali Jurm aisa hai riayet nahi milne wali

عشق کر بیٹھا ہوں، راحت نہیں ملنے والی
جرم ایسا ہے رعایت نہیں ملنے والی
Ishq kar baitha hoon, rahat nahi milne wali
Jurm aisa hai riayet nahi milne wali

 
صرف دو چھالوں میں سر ہونا نہیں صحرا دوست
اتنی جلدی تو محبت نہیں ملنے والی
Sirf do chhalon mein sar hona nahi sehra dost
Itni jaldi to muhabbat nahi milne wali

جب گناہ کرتے تھے، اس وقت یہ اندازہ نہ تھا
ہم کو توبہ کی سہولت نہیں ملنے والی
Jab gunah karte thay, us waqt ye andaza na tha
Hum ko tauba ki sahulat nahi milne wali

 
ان پرندوں کو کہاں آتا ہے لڑنا مرنا
ان پرندوں کو حکومت نہیں ملنے والی
In parindon ko kahan ata hai ladna marna
In parindon ko hukoomat nahi milne wali

 
عشق جب یاد کرے گا، تمہیں آنا ہو گا
کوئی انکار کی صورت نہیں ملنے والی
Ishq jab yad kare ga, tumhen ana ho ga
Koi inkar ki soorat nahi milne wali

 
جسم ایسا ہے، ہوس جیت کے دم لے گی میاں
کفرِ نعمت کی سہولت نہیں ملنے والی
Jism aisa hai, hawis jeet ke dam le gi miyan
Kufr e nemat ki sahulat nahi milne wali

 
ماس کٹ جاۓ مگر چیخ نمودار نہ ہو
ایسی ایوبی طبیعت نہیں ملنے والی

Maas kat jaye magar cheekh namudar na ho
Aisi Ayyubi tabiyat nahi milne wali
نعمان شفیق
Noman Shafiq