Mundamil zakhmon pe ye marham, ye phaha kis liye Kis liye jan e tamanna ye tamasha kis liye

مُندمل زخموں پہ یہ مرہم، یہ پھاہا کس لیے
کس لیے جانِ تمنا یہ تماشہ کس لیے
Mundamil zakhmon pe ye marham, ye phaha kis liye
Kis liye jan e tamanna ye tamasha kis liye

 
آرزوئیں ہجر کے بھونچال میں مر کھپ گئیں
اب اُٹھانے آئے ہو خوابوں کا ملبہ کس لیے
Arzuen hijr ke bhonchal mein mar khap gayeen
Ab uthane aye ho khwabon ka malba kis liye

 
لوٹ کر آنے کا وعدہ تو ہے لیکن سرسری
ہم کو ہجرِ یار نے کھونٹی پہ ٹانگا کس لیے
Laut kar anay ka wada to hai lekin sarsari
Hum ko hijr e yar ne khoonti pe taanga kis liye

 
سسکیاں لیتا ہے ہر لحظہ ادھورا پن مرا
کُوزہ گر نے چاک سے مجھ کو اُتارا کس لیے
Siskiyan leta hai har lehza adhoora pan mera
Kooza gar ne chak se mujh ko utara kis liye

 
رہ گیا مٹی کا تودہ بن کے کل کا دیوتا
گر نہیں تھا پوجنا، اس کو تراشا کس لیے
Reh gaya mitti ka todah ban ke kal ka devta
Gar nahi tha poojna us ko tarasha kis liye

 
دیکھ کر تصویر اُس کی دیر تک سوچا کیے
کیا تھا اِس چہرے میں، دل ہاتھوں سے نکلا کس لیے
Dekh kar tasveer us ki der tak socha kiye
Kia tha is chehre mein, dil hathon se nikla kis liye

 
بے نیازی اوڑھنا بھی راس کب آیا ہمیں
آنکھ میں اُگنے لگا خواہش کا پودا کس لیے
Beniazi odhna bhi raas kab aya humen
Ankh mein ugne laga khwahish ka pauda kis liye

 
کیوں تمہارا قُرب پا کر بھی نہیں دل مُطمئن
ڈھونڈتا ہے یہ بچھڑنے کا بہانہ کس لیے
Kyun tumhara qurb pa kar bhi nahi dil mutma’in
Dhoondta hai ye bichhadne ka bahana kis liye

 
میرے تیرے درمیاں جو بات تھی، جو راز تھا
کر دیا دُنیا پہ اس کو آشکارہ کس ُلیے
Mere tere darmiyan jo bat thi, jo raz tha
Kar dia duniya pe us ko ashkara kis liye

 
مجھ تلک آنے سے پہلے ہر کلی نے پڑھ لیا
تم ہوا کے پَر پہ لکھتے ہو سندیسہ کس لیے
Mujh talak anay se pehle har kali ne padh lia
Tum hawa ke par pe likhhte ho sandesa kis liye

 
گو بہت شرمیلا و خودار تھا میرا سوال
محوِ حیرت ہوں کہ پھر آنکھوں سے ٹپکا کس لیے
Go bohat sharmeela o khud daar tha mera sawal
Mehw e hairat hoon ke phir ankhon se tapka kis liye

 
کیوں اُبھر آیا ہے دل میں پیار اس کے واسطے
ڈوب کر اُبھرا ہے خوابوں کا جزیرہ کس لیے
Kyun ubher aya hai dil mein pyar us ke waste
Doob kar ubhra hai khwabon ka jazeera kis liye

 
گفتگو جن کی بہت دو ٹوک تھی، بیباک تھی
اُن کے ہونٹوں پر علامتِ استعارہ کس لیے
Guftugu jin ki bohat do toak thi, bebak thi
Un ke honton pe alamat e ista’ara kis liye

 
مصلحت کے فیصلے پر کر دیے کیوں دستخط
آگہی کو لوریاں دے کر سُلایا کس لیے
Maslihat ke faisle par kar diye kyun dastakhat
Agehi ko lorian de kar sulaya kis liye

 
تیرے قدموں میں رہے برسوں جنونِ عشق میں
ہم سے اب ہوش و خرد میں یہ تقاضہ کس لیے
Tere qadmon mein rahe barson junoon e ishq mein
Hum se ab hosh o khirad mein ye taqaza kis liye

 
گمرہی کے جنگلوں میں کھو گئیں نسلیں کئی
اُن سے اوجھل ہو گئے خضر و مسیحا کس لیے
Gumrehi ke jangalon mein khho gayeen naslen kaiy
Un se ojhal ho gaye Khizr o Maseeha kis liye

 
تھام لیتے پیار سے یا رد کر دیتے بھلے
مجھ کو برسوں عالمِ برزخ میں رکھا کس لیے
Thaam lete pyar se ya rad kar dete bhale
Mujh ko barson aalam e barzakh mein rakha kis liy