سب کو چھوڑا ہے میں نے خود کو تمہارا کر کے
اور میں خوش ہوں بہت اپنا خسارہ کر کے
اے فسوں ساز، میں ہوں تیرے فسوں کا منتر
کچھ نہیں بچنا ترا مجھ سے کنارہ کر کے
وہ جو لڑتے ہی نہیں تھے کبھی، ان دونوں کا
میں نے دیکھا ہے تماشہ اک اشارہ کر کے
آگے بڑھنے کا بھی سوچا تھا مگر کیا کہیے
گھاؤ بھرتے نہیں سب عشق دوبارہ کر کے
بات کرتا ہے محبت کی، بدل دیتا ہے
چھوڑ دیتا ہے وہ جذبات شرارہ کر کے
جس مشقت میں کٹی ساری حیات زہرہ
کوئی دیکھے تو کبھی ویسے گزارہ کر کے
شمائلہ فاروق
No comments:
Post a Comment