چلے تو کٹ ھی جائے گا سفر آھستہ آھستہ
ھم اس کے پاس جاتے ھیں مگر آھستہ آھستہ
ابھی تاروں سے کھیلو چاند کی کرنوں سے اٹھلاؤ
ملے گی اس کے چہرے کی سَحر آہستہ آہستہ
دریچوں کو تو دیکھو چلمنوں کے راز تو سمجھو
اُٹھیں گے پردہ ھائے بام و دَر آھستہ آھستہ
زمانے بھر کی کیفیت سمٹ آئے گی ساغر میں
پیو ان انکھڑیوں کے نام پر آھستہ آھستہ
یوں ھی اک روز اپنے دل کا قِصّہ بھی سنا دینا
خطاب آھستہ آھستہ نظر آھستہ آھستہ
مصطفی زیدی
No comments:
Post a Comment