درد ہے وہ درد کے بتایا نہ جائے
چیر کے دل کسی کو دکھایا نہ جائے
محفل ہے اگر یہ تیرے عاشقوں کی لگی
پھر کیوں ااِس میں مجھ کو بلایا نہ جائے
تم خود ہی دیکھ لو کر کے یہ کوشش
مجھ سے تو تم کو بھلایا نہ جائے
یہ دل ہے کہ تب تک سمجھتا ہی نہیں
یاد میں تیری جب تک رُلایا نہ جائے
ساقی محفل میں تیری ہے سکوت بہت
کیا دور ایک جام کا چلایا نہ جائے
یہ زندگی ہے تب تک موت سے بد تر
جب تک مجھے اُس سے ملایا نہ جائے
دل ناداں کو سکوں آتا ہی کب ہے
مکینِ دل جب تک منایا نہ جائے
ہوتا ہے عشق تب تک راضی کہاں
اپنا سب کچھ جب تک لٹایا نہ جائے
الہٰی سُلجھے گی اب دل کی اُلجھن یہ کیسے
اُن سے آیا نہ جائے مجھ سے جایا نہ جائے
اپنے مریض عشق کی تم حالت تو دیکھو
جس سے راتوں کو ساری سویا نہ جائے
چھپ چھپ کے بہانے ہوتےہیں آنسو
یوں سامنے تو سب کے رویا نہ جائے
خالقداد لگ جائے کسی کو جب روگِ ہجر
مدتوں پھر اس سے مسکرایا نہ جائے
خالقداد خان
No comments:
Post a Comment