دل پر شوق کو پہلو میں دبائے رکھا
تجھ سے بھی ہم نے ترا پیار چھپائے رکھا
Dil e pur shauq ko pehlu mein dabaye rakha
Tujh se bhi hum ne tera pyar chhupaye rakha
چھوڑ اس بات کو اے دوست کہ تجھ سے پہلے
ہم نے کس کس کو خیالوں میں بسائے رکھا
Chhodo is bat ko ay dost ke tujh se pehle
Hum ne kis kis ko khayalon mein basaye rakha
غیر ممکن تھی زمانے کے غموں سے فرصت
پھر بھی ہم نے ترا غم دل میں بسائے رکھا
Ghair mumkin thi zamane ke ghamon se fursat
Phir bhi hum ne tera gham dil mein basaye rakha
پھول کو پھول نہ کہتے سو اسے کیا کہتے
کیا ہوا غیر نے کالر پہ سجائے رکھا
Phool ko phool na kehte so usay kia kehte
Kia hua ghair ne collar pe sajaye rakha
جانے کس حال میں ہیں، کون سے شہروں میں ہیں وہ
زندگی اپنی جنہیں ہم نے بنائے رکھا
Jane kis haal mein hain, kaun se shehron mein hain wo
Zindagi apni jinhen hum ne banaye rakha
ہائے کیا لوگ تھے وہ لوگ، پری چہرہ لوگ
ہم نے جن کے لیے دنیا کو بھلائے رکھا
Haye kia loag thay wo loag, pari chehra loag
Hum ne jin ke liye duniya ko bhulaye rakha
اب ملیں بھی تو نہ پہچان سکیں ہم ان کو
جن کو اک عمر خیالوں میں بسائے رکھا
Ab milen bhi to na pehchan saken hum un ko
Jin ko ek umr khayalon mein basaye rakha
حبیب جالب
Habib Jalib
No comments:
Post a Comment