پاکستان میں لکھی گئی ساحر لدھیانوی کی آ خری نظم
فریب جنت فردا کے جال ٹوٹ گئے
حیات اپنی امیدوں پہ شرمسار سی ہے
Fareb Jannat Farda Ke Jaal Toot Jaein
Hayat Apni Umeedon Peh Sharamsar See Hai
چمن میں جشن ورود بہار ہو بھی چکا
مگر نگاہ گل و لالہ سوگوار سی ہے
Chaman Mein Jishan Warood Bahar Ho Bhi Chuka
Magar Nigah Gul o Lala Sogwar See Hai
فضا میں گرم بگولوں کا رقص جاری ہے
افق پہ خون کی مینا چھلک رہی ہے ابھی
Fiza Mein Garam Bagolon Ka Raqs Jari Hai
Ufaq Peh Khoon Ki Meena Chalak Rahi Hai Abhi
کہاں کا مہر منور کہاں کی تنویریں
کہ بام و در پہ سیاہی جھلک رہی ہے ابھی
Kahan Ka Mahar Munawar Kahan Ki Tanweerein
Keh Baam o Dar Peh Siyahi Chalak Rahi Hai Abhi
فضائیں سوچ رہی ہیں کہ ابن آدم نے
خرد گنوا کے جنوں آزما کے کیا پایا
Fizaein Soch Rahi Hein Keh Ib e Adam Ne
Khird Ganwa Ke Junoon Aazma Ke Kia Paya
وہی شکست تمنا وہی غم ایام
نگار زیست نے سب کچھ لٹا کے کیا پایا
Wahi Shikast Tamanna Wahi Gham Ayyam
Nigar Zeest Ne Sab Kuch Luta Ke Kia Paya
بھٹک کے رہ گئیں نظریں خلا کی وسعت میں
حریم شاہد رعنا کا کچھ پتہ نہ ملا
Bhatak Ke Reh Gaein Nazrein Khala Ki Wusa'at Mein
Hareem Shahid Ra'ana Ka Kuch Pata Na Mila
طویل راہ گزر ختم ہو گئی لیکن
ہنوز اپنی مسافت کا منتہا نہ ملا
Taweel Rah Guzar Khatam Ho Gai Lekin
Hanoz Apni Musafat Ka Muntaha Na Mila
سفر نصیب رفیقو قدم بڑھائے چلو
پرانے راہنما لوٹ کر نہ دیکھیں گے
Safar Naseeb Rafeeqo Qadam Barhaye Chalo
Purane Rahnuma Laot Kar Na Daikhengy
طلوع صبح سے تاروں کی موت ہوتی ہے
شبوں کے راج دلارے ادھر نہ دیکھیں گے
Tuloo Subah Se Taroon Ki Mout Hoti Hai
Shadon Ke Raj Dulare Idhar Na Daikhengy
ساحر لدھیانوی
Sahir Ludhianvi
No comments:
Post a Comment