شہر یہ دوسروں کا تھا جس میں ہمیں سہا گیا
آج یہ بات سوچ کر دل سے ہر اک گلہ گیا
Shehr ye dosron ka tha jis mein humen saha gaya
Aj ye bat soch kar dil se har ek gila gaya
دل، یہ عجیب بات ہے، تیری نہیں سنی گئی
تھے جو بلا کے سنگدل ان کا کہا سنا گیا
Dil, ye ajeeb bat hai teri nahi suni gaiy
Thay jo balaa ke sangdil, un ka kaha suna gaya
ہاں تری آرزوئے ناز ہم کو بہت عزیز تھی
پر ترے کوئے ناز میں ہم سے نہیں رہا گیا
Han teri arzu e naz hum ko bohat aziz thi
Par tere ku e naz mein hum se nahi raha gaya
ہار سنگھار ہے اداس اور وہ یوں کہ اک پرند
چھوڑ کے اپنا آشیاں جانے کہاں چلا گیا
Haar singhhar hai udas aur wo youn ke ek parind
Chhod ke apna ashiyan jane kahan chala gaya
اس کا حساب حشر تک کون لگائے گا بھلا
تجھ سے گیا تو کیا گیا، مجھ سے گیا تو کیا گیا
Is ka hisab hashr tak kaun lagaye ga bhalaa
Tujh se gaya to kia gaya, mujh se gaya to kia gaya
دل کا ہماری ذات سے اور برونِ ذات سے
جونؔ عجب تھا سلسلہ ہائے وہ سلسلہ گیا
Dil ka hamari zat se aur baroon e zat se
Joan ajab tha silsila, haye wo silsila gaya
جونؔ ایلیا
Joan Elia
No comments:
Post a Comment