ہم کو خوش آیا ترا ہم سے خفا ہو جانا
سر بسر خواب کا تعبیر نما ہو جانا
چند اشکوں نے چھپایا ہے مکمل منظر
ہم پہ کھلتا ہی گیا تیرا جدا ہونا جانا
اپنی خواہش تری یادوں میں بھٹکتی ہے کہیں
جیسے گلگشت میں تتلی کا فنا ہو جانا
شاخ در شاخ سبک سار ہواؤں کا گزر
اک قفس سے کسی پنچھی کا رہا ہو جانا
اشک گرتے ہی کھلے پھول مرے دامن میں
رت بدلتے ہی پرندوں کا صدا ہو جانا
ایک سائے کا ہے احساس مرے سر پہ سدا
کون سوچے گا کبھی خود سے خدا ہو جانا
آشنا ہم بھی محبت سے نہیں ہیں ہرگز
ہائے اس ربط کا بھی نذر انا ہو جانا
سعداللہ شاہ
Hum ko khush aya tera hum se khafa ho jana
Sar basar khwab ka tabeer numa ho jana
Chand ashkon ne chhupaya hai mukammal manzar
Hum pe khhulta hi gaya tera juda ho jana
Apni khwahish teri yadon mein bhatakti hai kahin
Jaise gulgasht mein title ka fana ho jana
Shakh dar shakh subuk saar hawaon ka guzar
Ek qafas se kisi panchhi ka riha ho jana
Ashk girte hi khhule phool mere daman mein
Rut badalte hi parindon ka sadaa ho jana
Aik saye ka hai ehsas mere sar pe sadaa
Kaun soche ga kabhi khud se Khuda ho jana
Ashna hum bhi muhabbat se nahi hain hargiz
Haye is rabt ka bhi nazr e anaa ho jana
SaaduLlah Shah
No comments:
Post a Comment