Padi rahe gi agar gham ki dhool shakhon par Udas phool khhilen ge maloon shakhon par

پڑی رہے گی اگر غم کی دھول شاخوں پر
اداس پھول کھلیں گے ملول شاخوں پر 

Padi rahe gi agar gham ki dhool shakhon par
Udas phool khhilen ge maloon shakhon par

 
ابھی نہ گلشن اردو کو بے چراغ کہو
کھلے ہوئے ہیں ابھی چند پھول شاخوں پر

Abhi na gulshan e Urdar ko be chiragh kaho
Khhule huay hain abhi chand phool shakhon par

 
نکل پڑے ہیں حفاظت کو چند کانٹے بھی
ہوا ہے جب بھی گلوں کا نزول شاخوں پر

Nikal pade hain hifazat ko chand kante bhi
Hua hai jab bhi gulon ka nuzool shakhon par

 
ہوا کے سامنے ان کی بساط ہی کیا تھی
دکھا رہے تھے بہاریں جو پھول شاخوں پر

Hawa ke samne un ki bisat hi kia thi
Dikhha rahe thay baharen jo phool shakhon par

 
نثار گل ہو ملا ہے یہ اذن بلبل کو
ہوا ہے حکم گل تر کو، جھول شاخوں پر 

Nisar e gul ho mila hai ye izn bulbul ko
Hua hai hukm gul e tar ko, jhool shakhon par

 
وہ پھول پہنچے نہ جانے کہاں کہاں رہبرؔ
نہیں تھا جن کو ٹھہرنا قبول شاخوں پر

Wo phool pohnche najane kahan kahan Rehbar
Nahi tha jin ko thehrna qubool shakhon par

 
راجندر ناتھ رہبر
Rajinder Nath Rehbar